"თუ ეს დისკომფორტები თქვენც გაქვთ, თამამად შეგიძლიათ დაარქვათ პოსტკოვიდი" - რა სიმპტომებზე წერს თამუნა თანდაშვილი

საავიაციო ასოციაცია "ავიაკომუნიკატორი"-ს პრეზიდენტი თამუნა თანდაშვილი კოვიდის შემდგომ არასასიამოვნო სიმპტომებზე წერს, რომელიც თითქმის ყველა კორონამოხდილ ადამიანს აწუხებს:

"მათ ვისაც გაწუხებთ პოსტ-კოვიდით გამოწვეული სხვადასხვა დისკომფორტები:

ჩემი დაკვირვებით:

1. შფოთვა და დეპრესიული ფონი საერთოა
2. კონცენტრაციის დაკარგვა
3. სისუსტე
4. აპათია
5. უენერგიობა
6. ძილის პრობლემები
7. გლობალურ პრობლემებზე დაგრუზვა 
8. შიშები
9. თავის ტკივილები
10. უიმედობა
11. გაღიზიანება
12. თმის ცვენა

და სხვა პრობლემები რაც ადრე გქონდათ, ვერ ერეოდით - შეგიძლიათ დაარქვათ “პოსტკოვიდი” 

კლინიკიდან რაც გამოვედი, ღმერთი თავიდან და რწმენა თავიდან ვიპოვე ჩემ თავში და მადლიერების გრძნობა

ყავას ვსვამ დილით David Baliashvili ნაჩუქარი ვეჯვუდის ლამაზი წითელი ჭიქით, რომელსაც თვალის ჩინივით ვუფრთხილდები, ეს ჩემი რიტუალია… დილით მხვდება Iako Khomeriki ინსტაგრამში მოწერილი ძაღლების ვიდეო ან ფოტო, “ჯუჯააა ეს შენ ხარ” - ტექსტით, ან მწერს “გაიღვიძე ჯუუუუჯააა”, ცოტა ხანში დედაჩემიც გამოჩნდება, “გამარჯობა თამუნა” ან “დედა როგორ ხარ რო ვიცოდე”, ან “დედა გუშინ გისმინე, რა კარგი თხრობა გაქვს ვისიამოვნე”, ცოტა ხანში ჩემი ახალი კოლეგა და მეგობარი Tamara Javakhadze ვოცაფში სასაცილო მესიჯებს მომწერს და დავიგეგმებით რას ვაკეთებთ, სად ვხვდებით რას ვაფუჭებთ ან ვაშენებთ ჯერ არ ვიცით )))) . წინა ღამით Tamriko Sikharulidze- სთან დარეკვა თუ დამავიწყდა, სასწრაფო წესით ვრეკავ თორემ მერე დამიცაცხანებს…

ეს სია გრძელია და მერე დეპრესია, შფოთვა, თავის ტკივილი და შიშები მავიწყდება.

ვფიქრობ რომ მთავარია ადამიანებთან არ დისტანცირდე ვინც ჩვენს ყოველდღიურობას ქმნის, შორიდან და ახლოდან, სიტყვით თუ საქმით. გავლენით თუ მხარდაჭერით.

კოვიდი გადისტანცირებს საკუთარ თავთან და არ უნდა ჩარჩე ამ დისტანციაში.

სითბოს და სიყვარულს ალტერნატივა არ აქვს ზრდასრულ ასაკშიც, ისევე როგორც ბავშვობაში…

ეს ჩემი ტომია",-წერს თანდაშვილი.

სხვა სიახლეები:

🔵 NCDC: 2022 წლამდე, საქართველოში კორონავირუსი 10 687 ორსულს დაუდასტურდა

🔵 "არ მგონია, ჩვენი პარლამენტის წევრები საგმირო საქმეს ჩადიოდნენ კიევში მოგზაურობით" - რას აცხადებს იაგო გვიჩია ოპოზიციის უკრაინაში ვიზიტზე

🔵 ემანუელ მაკრონი მომდევნო კვირაში რუსეთსა და უკრაინაში ჩავა

🔵 ხელვაჩაურში, საბჭოთა პერიოდში დახვრეტილი 29 ადამიანის ნეშტი აღმოაჩინეს