„უამრავი ადამიანი იტანჯება, ცდილობს წავიდეს თურქეთში სამკურნალოდ, ყიდის სახლს, მეგობრები ფულს უგროვებენ“ - მერაბ მეტრეველი მთავრობას მიმართავს

ჟურნალისტი მერაბ მეტრეველი, ინიციატივით გამოდის და მთავრობას მიმართავს, აწარმოოს მოლაპარაკებები თურქეთის მხარესთან, რათა აშენდეს კლინიკა აჭარაში და პაციენტებს აღარ მოუხდეთ თურქეთში წასვლა სამკურნალოდ.

„რა ამის პასუხია და რატომ არ შეიძლება ჩვენი მთავრობა "აჯიბადენის" ან რომელიმე ცნობილ თურქულ კლინიკას დაელაპარაკოს (სადაც ქართველები დადიან სამკურნალოდ) და სადმე ბათუმში, ან გონიოში 1 ლარად გადასცეს მიწა, რათა იქ თავიანთი კლინიკის ფილიალი ააშენონ, სადაც იმ სტანდარტებით უმკურნალებენ როგორც თურქეთში და ის თურქი ექიმები ჩამოვლენ და გააკეთებენ ოპერაციებს, რომელსაც სტამბოლში აკეთებენ.

უამრავი ადამიანი იტანჯება, ცდილობს წავიდეს თურქეთში სამკურნალოდ, ყიდის სახლს, მეგობრები ფულს უგროვებენ, რადგან არც სახელმწიფო და არც კერძო დაზღვევა საზღვარგარეთ მკურნალობას არ ანაზღაურებს, ხოლო ბათუმში ეს კლინიკა ნიშნავს, რომ უკვე იმავე მკურნალობას, რასაც სტამბოლში იღებენ ქვეყნის ტერიტორიაზე მიიღებენ და შესაბამისად საყოველთაო ჯანდაცვაც დააფინანსებს.

სახლების გაყიდვა აღარ მოიწევს ხალხს."აჯიბადენის" ინტერესი ის იქნება, რომ რადგან უკვე მათი კლინიკა საქართველოში იქნება და საყოველთაო ჯანდაცვის პროგრამაში ჩაჯდება, ქართველი პაციენტების რაოდენობა გაუათმაგდებათ ანუ ის პაციენტებიც მივლენ, ვისთვისაც აქამდე თურქეთში წასვლა მიუწვდომელი ამბავი იყო.

პლუს სომხეთიდანც შეიძლება ჩამოვიდნენ, აზერბაიჯანიდანაც, ჩრდილოეთ კავკასიიდან. ჰოდა, მოიფიქრეთ ვინმემ მთავრობაში და დაელაპარაკეთ.“, - წერს მერაბ მეტრეველი.

ასევე საინტერესოა:

🔵 რომელი ქვეყნებიდან დააბრუნეს უნებართვოდ მცხოვრები საქართველოს მოქალაქეები

🔵 სახალხო დამცველი: „ჯანდაცვის სექტორში ქალთა უფლებრივი მდგომარეობა დამძიმდა“

🔵 „სააკაშვილის "პროგრამა" წავიკითხე, ცხვრის ფარა ჰგონია ხალხი“ - თამარ ჩერგოლეიშვილი