"უსამართლობის გრძნობას მხოლოდ ის კი არ იწვევს, ვანოს ცოლის კაპრიზებით ადამიანებს რომ ჩაგრავდნენ, არამედ ირაკლის ცოლისა და დათოს ცოლისთვის რომ დაუმსახურებელი პრივილეგიები არსებობს ესეც" - სოფიო ხორგუანი პრემიერის ცილისთვის ტყის გადაცემაზე

უფლებადამცველი სოფიო ხორგუანი, საქართველოს პრემიერმინისტრის ირაკლი ღარიბაშვილის ცოლისთვის, ნანუკა თამაზაშვილისთვის დაბა ბაკურიანში მდებარე სახელმწიფოს საკუთრებაში არსებული მიწის ტყით, 49 წლის ვადით გადაეცემის საკითხს ეხმაურება:

"საქართველოს მთავრობა უსამართლობის გრძნობას მხოლოდ ის კი არ იწვევს, ვანოს ცოლის კაპრიზებით ადამიანებს რომ ჩაგრავდნენ ან უპატრონო კოჭოია გაუპატიურების შიშით ტერორისტობას აღიარებდა, ირაკლის ცოლისა და დათოს ცოლისთვის რომ დაუმსახურებელი პრივილეგიები არსებობს და ვინც პატრონს იპოვის, სასჯელს თავს დააღწევს, ესეც.

ცოლს, რომ სტატია არ მოეწონა და ააღებინებ, მერე ტყესაც გაუფორმებ, მერე მის კომპანიას აუქციონს მოაგებინებ, მერე კიდევ სხვა და სხვა.

საერთო სიკეთეებით სარგებლობის უფლება თანასწორი უნდა იყოს და პრივილეგიებიც დამსახურების მიხედვით უნდა იყოს და კანონი ყველასთვის უნდა კანონობდეს.

მარტივია", - წერს ხორგუანი.

ცნობსთვის, პრემიერმინისტრ ირაკლი ღარიბაშვილის ცოლს, ნუნუ თამაზაშვილს დაბა ბაკურიანში მდებარე სახელმწიფოს საკუთრებაში არსებული 5 958 კვადრატული მეტრი მიწა ტყით სპეციალური სარგებლობის უფლებით 49 წლით გადაეცა. როგორც საჯარო რეესტრის დოკუმენტებიდან ირკვევა, თამაზაშვილის წარმომადგენელმა ეროვნულ სატყეო სააგენტოს სარგებლობასა და მფლობელობასთან დაკავშირებული უფლების წარმოშობის რეგისტრაციისთვის განცხადებით 2021 წლის 28 დეკემბერს, 16:37 საათზე მიმართა, სარეგისტრაციო წარმოება კი თანხმობით იმავე დღის 18:37 საათზე დასრულდა. ფაქტზე ინფორმაცია თავდაპირველად ტელეკომპანია პირველმა გაავრცელა.

სხვა სიახლეები:

🔳 მიხეილ სააკაშვილი: მიტოვებულად ვგრძნობ თავს, რომ ჩემი ოჯახი ტყისა და მინდორ-ველის გარეშეა დარჩენილი