ბაია პატარაია: მშობლებო, გაზარდეთ ქალიშვილები დამოუკიდებელ ადამიანებად და ისინი თვითონ მოიპოვებენ თავისუფლებას თქვენგანაც და სხვებისგანაც

ქალთა უფლებადამცველი ბაია პატარაია, სოციალურ ქსელში წერს:

"მადლობა, მამა, ბავშვობაში რომ მეუბნებოდი, შენი ერთადერთი საქმე სწავლაა და საუკეთესო ნიშნებზე ისწავლე, რომ საუკეთესო პროფესიონალი გამოხვიდე და იმდენი ფული სულ გქონდეს, შენ და შენს შვილს რომ ეყოფაო.

მადლობა, რომ არასდროს გითქვამს, გათხოვდები და ქმარი გარჩენსო.

მადლობა, დედა, რომ მეუბნებოდი, რაც არ უნდა დაგემართოს, გინდა მოგიტაცონ და გაგაუპატიურონ, მაინც ყველგან მოგძებნით მე და მამაშენიო, სახლში წამოგიყვანთ და მოგხედავთო, იმ კაცს კი სამარემდე ჩავყვებით და არ ვაპატიებთო.

მადლობა ორივეს, რომ მე და ჩემ დას გვეუბნებოდით, თქვენ ერთი კამანდა ხართო, არავინ გყავთ ერთმანეთზე ძვირფასი და ჩვენზე მეტად ერთმანეთი უნდა გიყვარდეთო.

ეგ რომ არ გეთქვათ, შეიძლება არც ვყოფილიყავით საუკეთესო დები და მებრძოლი ქალები.

მშობლებო, გაზარდეთ ქალიშვილები დამოუკიდებელ ადამიანებად და ისინი თვითონ მოიპოვებენ თავისუფლებას თქვენგანაც და სხვებისგანაც; უბრალოდ უთხარით, რომ ყოველთვის შეუძლიათ ჰქონდეთ თქვენი იმედი.

დღეს ქალებს მხოლოდ იმიტომ კლავენ, რომ ისინი საკუთარი დამოუკიდებლობისთვის იბრძვიან.

გილოცავთ, დამოუკიდებლობის დღეს, რომელიც ზოგჯერ მხოლოდ სისხლის ფასად მოიპოვება", - წერს ბაია პატარაია.

ასევე დაგაინტერესებთ:

* "ამას არაფერი აქვს საერთო ჟურნალისტობასთან!!! ამას ჰქვია უბრალოდ "ჩა*ლახობა"- ირაკლი ზარქუა ტელეკომპანია "ფორმულას" კომენტარის დამახინჯებაში ადანაშაულებს