"ჩამოართვით სოციალურად დაუცველ მილიონერს ქონება და აღარ გვეყოლება 1980 წელს გამოშვებული ვერტმფრენები"

ეკონომისტი, ირაკლი ლატარია გუდაურში მომხდარ ტრაგედიასთან დაკავშირებით სოციალურ ქსელში წერს:

"მარტო გოგაშვილმა რაც დააგროვა ამ 10 წელში, მინიმუმ 15 ახალ ვერტმფრენს იყიდიდა სამინისტრო

ხოდა ჩამოართვით სოციალურად დაუცველ მილიონერს ქონება და აღარ გვეყოლება 1980 წელს გამოშვებული ვერტმფრენები…

არა ნუ’ ამ ქვეყანას რამე თუ ეშველება აღარ ვიცი...

გამოჩნდება კაცი’ რომელიც უანგაროდ ეხმარება ამ ჩემს საწყალ საქართველოს და პარალელურად ვიღაც უწიგნური’ ბოროტი’ მდაბიო’ ხამი’ მილიონებს წოვს და კაციშვილი არ სთხოვს პასუხს

რაის ციხე? კონფისკაცია ქონების _

აი რა არის სამართლიანი … და ამ ქონების გაყიდვით შემოსული თანხით’ იყიდოს სახელმწიფომ ვერტმფრენებიც და ყველაფერი….

წარმოგიდგენიათ?

90 წლის შემდეგ ყველა იმ ჩინოვნიკის’ (რომლებიც გახდნენ მილიონერები და თან რამდენი გვყავს ეგეთი) ქონებიდან შემოსული თანხით’ რა ქვეყანა ვიქნებოდით?

ეხ _ რამხელა ტრაგედია დატრიალდა გული მაქვს გაგლეჯვას….", - წერს ლატარია.

შსს-ს ინფორმაციით, 29 ივლისს, გუდაურის მიმდებარე ტერიტორიაზე, პარაპლანით ფრენის დროს ორი პირი კლდოვან ფერდობზე ჩამოვარდა. სამაშველო ოპერაციაში ჩაერთო სასაზღვრო პოლიციის კუთვნილი ვერტმფრენი, რომელმაც ღონისძიების მიმდინარეობისას მართვა დაკარგა და ჩამოვარდა. ვერტმფრენის ბორტზე იმყოფებოდა ეკიპაჟის ოთხი წევრი, ასევე შინაგან საქმეთა სამინისტროს საგანგებო სიტუაციების მართვის სამსახურის ორი მაშველი და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის ორი მედიკოსი.

ვერტმფრენში მყოფი რვავე პირი დაიღუპა.

შს მინისტრის თქმით, ასევე დაიღუპა უცხოელი ტურისტიც, ვის საშველადაც ტარდებოდა სამაშველო ოპერაცია. ამასთან, პარაპლანის ჩამოვარდნის შედეგად დაშავებული ერთი ადამიანი კლინიკაში გადაიყვანეს.

საქართველოს პრემიერ-მინისტრმა, ირაკლი ღარიბაშვილმა მომხდარ ფაქტთან დაკავშირებით გავრცელებულ სამძიმრის წერილში განაცხადა, რომ გუდაურში მომხდარი ტრაგედიის გამო, 30 ივლისი ქვეყანაში გლოვის დღედ გამოცხადდა.

ასევე დაგაინტერესებთ:

* "ამას ვერც პუტინს და ვერც ბიძინას ვერ დავაბრალებთ, ეს ტრაგედიაა და მისი აღკვეთა შეიძლებოდა" - იაგო ფრანგიშვილი