"დღევანდელი ჩემი განცხადება ნიშნავდა იმას კი არა, რომ ეტლში მყოფი ადამიანები არიან მცენარები, არამედ იმას, რომ მიშა იქნება მცენარე, იმიტომ, რომ მისი დიაგნოზი იძლევა ამის საშიშროებას"

ჟურნალისტი ნანუკა ჟორჟოლიანი განცხადებას ავრცელებს და წერს:

"დღეს, ჩემს მიერ გაკეთებულმა განცხადებამ, ჩასაფრებული ადამიანებისთვის სპეკულაციების სივრცე დატოვა.

ამიტომ უნდა განვმარტო.

ეტლში ადამიანი შეიძლება მოხვდეს ბევრი მიზეზის გამო.

ვიღაცისთვის  ავარიის გამო დგება დღის წესრიგში ეტლის აუცილებლობა  და ვიღაცისთვის  თანდაყოლილი ტრავმა.

დედაჩემის შემთხვევაში სიმსივნე იყო მიზეზი, რის გამოც, სიცოცხლის ბოლო დღეები სრულად ეტლში გაატარა.

ძალიან ხშირად, ეტლში მყოფი ადამიანები, ახერხებენ არა თუ საკუთარ სივრცეში წარმატების მიღწევას, არამედ ჩვენი ქვეყნისთვის გამარჯვებების მოტანას.

მათი ცხოვრება სრულფასოვანია და ძალიან შორსაა იმისგან, რაც დღეს მიშას კონტექსტში ვთქვი.

დღევანდელი ჩემი განცხადება  ნიშნავდა იმას კი არა, რომ ეტლში მყოფი ადამიანები არიან მცენარები, არამედ  იმას, რომ მიშა იქნება მცენარე, იმიტომ რომ მისი დიაგნოზი იძლევა ამის საშიშროებას.

არ მეგონა ამის ახსნა თუ დამჭირდებოდა, მაგრამ მესმის რომ მიშას თემა დამატებითი მოტივაციაა განცხადებები არასწორად აღიქვათ.

რაც შეეხება ეტლში მყოფ ადამიანებს, გიგზავნით სიყვარულს და სითბოს და გიხდით ბოდიშს თუ ოდნავ მაინც ემოციებზე მოგხვდათ ჩემი განცხადება.

არ ჩამოვთვლი პროექტებს, რომელიც ამ კონტექსტში გამიკეთებია და გავაკეთებ მომავალში",- აღნიშნულია ინფორმაციაში.

სხვა სიახლეები:

📍"დღეს, 2 მაისს, თბილისის დროით 20:11 საათზე ვენერა თევზების ნიშნიდან ვერძის ზოდიაქოში გადაინაცვლებს - ვისთვის იქნება მნიშვნელოვანი ?!" - რამაზ გიგაურის პროგნოზი

📍"დიასპორის წარმომადგენლებისთვის, პასპორტის საფასური 130 დოლარის ნაცვლად 50 დოლარი გახდა" - იუსტიციის მინისტრის განმარტება პასპორტის ფასის ცვლილებებთან დაკავშირებით