"დღეს, 2 მაისს, თბილისის დროით 20:11 საათზე ვენერა თევზების ნიშნიდან ვერძის ზოდიაქოში გადაინაცვლებს - ვისთვის იქნება მნიშვნელოვანი ?!" - რამაზ გიგაურის პროგნოზი

ქართველი ასტროლოგი რამაზ გიგაური 2 მაისის ვენერას ვერძის ზოდიაქოში გადასვლას ეხმაურება და წერს თუ რას მოუტანს იგი ზოდიაქოს თითოეულ თანამშრომელს:

"რას მოიტანს ვენერას ვერძის ზოდიაქოში გადასვლა?!

დღეს, 2 მაისს, თბილისის დროით 20:11 საათზე ვენერა თევზების ნიშნიდან ვერძის ზოდიაქოში გადაინაცვლებს და იქ 28 მაისამდე დარჩება.

ასტროლოგიურად, ვენერა თავს ბევრად კარგად გრძნობს თევზებში, სადაც ის ეგზალტირებულია.

ვერძში ვენერა გამოძევებულ პოზიციაშია, ამიტომ 2-28 მაისის შუალედში სასიყვარულო სფეროსთან დაკავშირებული ურთიერთობები აქტიურად და ენერგიულად განვითარდება.

ამ კუთხით ბევრი ადამიანი გამოიჩენს ახალ ინიციატივას და შეეცდება პირად ცხოვრებაში ახალი იმპულსები შეიტანოს.

ეს მოიტანს ცვლილებებს და განახლების სურვილს, რაც შეიძლება გამოვლინდეს ახალი პარტნიორის მოძიებაში და ახალი ინტერესის გაჩენაში ან ძველ ურთიერთობაში ახალი იმპულსების შეტანასა და მასში რაიმე ცვლილებების განვითარებას.

ნეგატიური კუთხით პირად ცხოვრებაში მოსალოდნელია მთელი რიგი პრობლემების შექმნაც.

პირად ურთიერთობებში თავს იჩენს შეუთანხმებლობა და გაძლიერდება ეგოიზმი.

შესაძლოა პარტნიორებმა მიზეზების გარეშეც კი იკამათონ და ერთპიროვნული გადაწყვეტილების მიღების სურვილი გაუჩნდეთ.

ვისაც სურს კამათსა და დაპირისპირებებს თავი არიდოს, მაქსიმალურად უნდა მოერიდოს შურისძიებას და ურთიერთობებში მეტი ტაქტის განცდა გამოიჩინოს. რთულ სიტუაციებში სასურველია კომპრომისზე წასვლა და დათმობა.

ეს პერიოდი ასევე მნიშვნელოვანი იქნება ფინანსური სფეროსთვის, რადგან ვენერა - ასევე ფინანსების სიგნიფიკატორად (მმართველად) ითვლება. აქედან გამომდინარე, ეს პერიოდი არასასურველია ფინანსებში რისკზე წასვლისთვის, განსაკუთრებით გრძელვადიანი პროექტები.

ვისთვის იქნება მნიშვნელოვანი:

* ეს 26-დღიანი მონაკვეთი პირველ რიგში მნიშვნელოვანი იქნება იმ ადამიანებისთვის, ვისაც პირად ჰოროსკოპში ვენერა სწორედ ვერძის ზოდიაქოში აქვთ განთავსებული.

მათ ექნებათ ვენერას ე. წ. „დაბრუნება“ და მოსალოდნელია 2021 წლის გაზაფხულის შემდეგ განვითარებული მოვლენები, განსაკუთრებით რომლებიც სასიყვარულო და ფინანსურ სფეროს ეხება, შეუჯამდეთ და ამისგან გარკვეული დასკვნები გამოიტანონ.

* სასიკეთო იქნება ვერძის ნიშნით დაბადებული ადამიანებისთვის, რადგან ამ პერიოდში ტრანზიტული ვენერა სწორედ მათ ნატალურ მზეზე „გადაივლის“.

* პოზიტიური იქნება ასევე ცეცხლის და ჰაერის სტიქიის ნიშნებისთვის (გარდა სასწორისა).

* შედარებით პასიური იქნება მიწის და წყლის სტიქიის ნიშნებისთვის, თუმცა ამ პერიოდში ყველაზე მეტი ყურადღების გამოჩენა, კირჩხიბის სასწორის და თხის რქის ნიშნით დაბადებულ ადამიანებს მართებთ",- წერს რამაზ გიგაური.

ასევე დაგაინტერესებთ:

* დაბა მესტიაში დიალიზის სერვისი ამოქმედდა

* "ჩაბარების შემდეგ კი ისეთი გახარებული ვიყავი, რომ უკანა სავარძელზე პიჯაკი დამრჩა" - გოგა ჩანადირი

* საბერძნეთში მძღოლმა, რომელიც მანქანას მართვის მოწმობის გარეშე მართავდა, ერთი ადამიანის სიცოცხლე იმსხვერპლა