"ეს ალინა დიმიტრიუკია, ზაპაროჟიედან 30 წლის... ორ შვილთან ერთად სასტიკ ომს თავი ძლივს დააღწია - სააღდგომო კვრცხებს ხატავს და 2 ლარად ყიდის, რომ აღდგომაზე შვილებს საკვები ჰქონდეთ"

ფეისბუკმომხმარებელი ხატია კაკაჩია სოციალურ ქსელში ემოციურ პოსტს აქვეყნებს და წერს, რომ უკრაინიდან ლტოლვილ ახალგაზრდა ქალს საზოგადოების დახმარება სჭირდება.

როგორც ირკვევა, უკრაინელი ალინა სააღდგომო კვერცხებს ხატავს და მას სიმბოლურად 2 ლარად ყიდის. 

"ეს ალინა დიმიტრიუკია, ზაპაროჟიედან 30 წლის... ორ შვილთან ერთად სასტიკ ომს თავი ძლივს დააღწია, აახლა საქართველოში (ზუგდიდში) იმყოფება და ყველაფრის გარეშე დარჩენილი დედა, ცდილობს ცხოვრება ნულიდან დაიწყოს...

სააღდგომო კვერცხებს ხატავს და სიმბოლურად 2 ლარად ყიდის ამ ულამაზეს ნამუშევრებს, იმიტომ რომ თავის შვილებს ამ აღდგომაზე ჰქონდეთ ელემენტარული საკვები... რომ არაფერი ვთქვათ, ტანსაცმელზე და საჭირო ნივთებზე.

მის ქვეყანაში ახლა ომია, რუსული აგრესია თავის დროზე ჩვენმა ქვეყანამაც გამოცადა და ახლა ყველას გვესმის, რომ გაჭირვებაში მყოფ ადამიანებს უნდა დავუდგეთ გვერდით... ალინასთვის კი დახმარება იქნება, ის თუ შევიძენთ მის მიერ მოხატულ ამ ულამაზეს სააღდგომო კვერცხებს.

აღდგომა უდიდესი ქრისტიანული დღესასწაულია და ქრისტეს მკვდრეთით აღდგომას ვზეიმობთ, დაე უკრაინის ფერფლიდან აღდგომა გვეზეიმოს სრულიად ცივილიზებულ და მშვიდობის მოყვარულ სამყაროს.

დახმარების მსურველებს ან კვერცხის შესაძენად მოგვწერეთ პირადში.

#ალინასთვის #უკრაინისთვის #საქართველოსთვის", - წერს ფეისბუკმომხმარებელი.