"გუშინდელი აქციის უკან ბიძინა ივანიშვილი ყოფილა" - გამზარდია

ჟურნალისტი არჩილ გამზარდია 20 ივნისის აქციაზე სამთავრობო შეფასებებს ეხმაურება და სოციალურ ქსელში წერს :

"როგორც სახელისუფლებო კომენტარებით ვიგებ, გუშინდელი აქციის უკან ბიძინა ივანიშვილი ყოფილა",- წერს გამზარდია.

მანამდე, ქართული ოცნების დეპუტატმა მიხეილ ყაველაშვილმა 20 ივნისის აქციის შეფასებისას განაცხადა.

"კონსტიტუცია, ასოცირების ხელშეკრულება, ყველა ეს ფაქტები, რასაც ქართული ოცნება ამ წლების მანძილზე ახორციელებდა, პირდაპირ არის კავშირში, რომ ჩვენ, აი სურვილი, გუშინ კიდევ, უმრავლესობა ადამიანების, რაც გამოჩნდა, არის ქართული ოცნების დამსახურება",- განაცხადა ყაველაშვილმა.

მას შემდეგ, რაც ევროკომისიამ უკრაინისა და მოლდოვის მსგავსად საქართველოსთვის ევროკავშირის კანდიდატის სტატუსის მინიჭების რეკომენდაცია არ გასცა, საქართველოს ევროპული მომავალი კითხვის ნიშნის ქვეშ დადგა. სწორედ ამიტომ, სიმბოლურად 20 ივნისს სიმბოლურ ადგილას საქართველოს მოსახლეობამ კიდევ ერთხელ დაანახა მსოფლიოს საკუთარი ევროპული არჩევანი.

რაც შეეხება აქციაზე მყოფი ადამიანების რიცხვს, სპეციალური პლატფორმის მიხედვით, რომელიც სივრცისა და სიმჭიდროვის გათვალისწინებით დათვლის საშუალებას იძლევა, რუსთაველზე 20 ივნისს შეკრებილთა რაოდენობა, სავარაუდოდ, 100 000-ს აღემატებოდა.

ამავე თემაზე:

📍ჰარცელი: გუშინ რაც ვიხილე, იყო ძალიან დიდი, ღირსეული და მშვიდობიანი მანიფესტაცია საქართველოს პროევროპული არჩევანის