"კვალის წასაშლელად რუსეთმა უკრაინაში მობილური კრემატორიუმი შეიტანა, რომელშიც მოკლული ჯარისკაცების გვამებს წვავს" - გოგა ჩანადირი

ქართველო ფოტო ხელოვანი გოგა ჩანადირი სოციალურ ქსელ ფეისბუკში რუსეთ-უკრაინის ომის მძიმე შედეგებზე და მსოფლიოს გამოხმაურებებზე წერს:

"ცივილიზებული მსოფლიო აგრძელებს რუსეთისთვის პასუხის გაცემას უკრაინაში შეჭრის გამო.

მათ შორის ეხება სპორტის, კულტურისა და საერთაშორისო ორგანიზაციების მიმართულებას, რომელზედაც გუშინ ვწერდი კიდეც.

ომიდან მესამე დღეს

1. ფიდემ, რომელსაც, სხვათა შორის, პუტინწამგლეჯთან დაახლოებული პირი, პრეზიდენტ მედვედევის თანაშემწე და მთავრობის თავმჯდომარის მოადგილე არკადი დვორკოვიჩი ხელმძღვანელობს, მოსკოვს ჩამოართვა 44-ე საჭადრაკო ოლიმპიადის მასპიბძლობის უფლება, რომელშიც დაახლოებით 190 ქვეყანას უნდა მიეღო მონაწილეობა და რომელიც 2022 წლის ივლის-აგვისტოში უნდა გამართულიყო. ასევე, აქ არ გაიმართება ფიდეს კონგრესი და ფიდეს პრეზიდენტის არჩევნები

2. რუსეთი "ევროვიზია 2022-ის" კონკურსიდან მოხსნეს

3. რუსეთს ევროსაბჭოში წარმომადგენლობის უფლება შეუჩერეს

4. ევროლოგაზე რუსულ საკალათბურთო კლუბებს ცსკა-ს, ზენიტსა უნიკსს ევროლიგაზე საშინაო მატჩების ჩატარება აუკრძალეს და იმედია, საქართველო-უკრაინის დეოკუპაციამდე საერთოდ არ ათამაშებენ.

5. დაიბლოკა რუსეთის ინგლისურენოვანი მედიასაშუალებების მაუწყებლობა

6. პოლონეთმა რუსეთს დაუკეტა საჰაერო სივრცე

7. ჰაკერებმა შეუტიეს რუსულ სამთავრობო და სახელმწუფო კომპანიების ვებ-გვერდებს, მათ შორის დავლოკეს კრემლისა და გაზპრომის" გვერდები8.

8. "გაზპრომის" წარწერიანი მაისურის გამოყენებაზე უარი თქვეს "შალკეს" ფეხბურთელებმა

9. ფორმულა 1-ის რამდენიმე ავტომრბოლელმა, მათ შორის მოქმედმა ჩემპიონმა, ნიდერლანდელმა მრბოლელმა მაქს ფერსტაპენმა სოჭის რბოლას პროტესტი გამოუცხა და მონაწილეობაზე უარი თქვა.

10. მდიდარმა რუსებმა 50 მილიარდამდე დოლარი დაკარგეს.
გაიზარდა ქვეყნების რაოდენობა, რომლებმაც რუსული ბანკების მუშაობა შეზღუდეს და აქტივები გაყინეს

11. სულ უფრო უფასურდება რუბლი და რუსული კომპანიების აქციები

12. პუტინწამგლეჯსა და მისი ომის მსახურ მინისტრ ლავროვს ევროკავშირმა და რამდენიმე ქვეყანამ ყველა აქტივი გაუყინა

დაიღუპა 3500-მდე რუსი დამპყრობელი.

კვალის წასაშლელად რუსეთმა უკრაინაში მობილური კრემატორიუმი შეიტანა, რომელშიც მოკლული ჯარისკაცების გვამებს წვავს.

განადგურდა 100-მდე რუსული ტანკი და 600-მდე ჯავშანმანქანა,
20 საბრძოლო თვითმფრინავი და შვეულმფრენი
დანაკარგებია უკრაინის მხარესაც, მაგრამ მოიგერიებს გველეშაპის კუდის ქნევებს და ღირსეულად გამოვა ომიდან.

ახლა მთავარია პირველ დღეებს გაუძლოს.

მერე ეს სანქციებიც თავისას იზამს",- წერს ჩანადირი.

სხვა სიახლეები:

🔵 "მე მჭირდება საბრძოლო მასალა და არა სატრანსპორტო საშუალება"- ზელენსკიმ აშშ-ს მის ევაკუაციაზე უარი განუცხადა

🔵 რუსეთს საჭადრაკო ოლიმპიადის ჩატარების უფლებაც ჩამოართვეს

🔵 ზელენსკი: ვრცელდება უამრავი ყალბი ინფორმაცია, მე აქ ვარ და დანებებას არ ვაპირებ (ვიდეო)

🔵 "ომის შემდგომ არავინ იმარჯვებს, ყველა იტანჯება...მე ვდგავარ უკრაინელი ხალხის გვერდით" - არნოლდ შვაცნეგერის სოლიდარობა უკრაინელებს