“მის სასახელოდ უნდა ითქვას, რომ დარჩენილი ცხოვრება იმპერიას არ მისტიროდა და რევანშისტი არ გახდა - ამაზე ეკუთვნის ალბათ მთავარი მადლობა”

ტელეკომპანია „ფორმულას“ თანადამფუძნებელი და ტელეწამყვანი მიშა მშვილდაძე მიხეილ გორბაჩოვის გარდაცვალებას ეხმაურება და სოციალურ ქსელში წერს:

"საბჭოთა კავშირის დაშლა გორბაჩოვს არ უნდოდა, მეტიც, დასავლეთს და ამერიკასაც არ უნდოდა - ზვიად გამსახურდია მარგინალად და დინების წინააღმდეგ მოცურავედ გამოაცხადეს საქართველოს დამოუკიდებლობის გამოცხადების გამო - გამსახურდიასაც არ უნდოდა საბჭოთა კავშირის დაშლა, საქართველოს დამოუკიდებლობა უნდოდა მხოლოდ და დანარჩენ სსრკ-ზე გეკაჩეპე რომ დარჩენილიყო, მასთან ალბათ თანამშრომლობის რეჟიმის შენარჩუნებას შეეცდებოდა, მაგრამ დაინგრა საბჭოთა კავშირი, იმიტომ, რომ არცერთ დაპყრობილ ერს არ უნდოდა ამ ხალხთა საპყრობილეში გაჩერება, სამხრეთ ოსეთი იყო ერთადერთი სსრ კავშირის მხარდამჭერი აქციებით და გაგაუზები მოლდოვაში, მეტი არ მახსოვს, შეიძლება კიდევ იყო ვინმე, მაგრამ ასობით ერი და ეთნოსი თვითგამორკვევის და თავისუფლების ძიების სახიფათო და მიმზიდველ ქაოსში გადავხტით და დაინგრა ეგ დედააფეთქებული, ვერ შეინარჩუნეს.

გორბაჩოვის (შევარდნაძისაც) დამსახურება ნამდვილად არის დემოკრატიული რეფორმების მცდელობა, რასაც შედეგად საბჭოთა კავშირის დანგრევა მოყვა - აი ფეხბურთელი რომ ფლანგიდან საჯარიმოში ჩააწოდებს და შემთხვევით აეჭრება ბურთი და გოლს გაიტანს, ეგრე:

მის სასახელოდ უნდა ითქვას, რომ დარჩენილი ცხოვრება იმპერიას არ მისტიროდა და რევანშისტი არ გახდა - ამაზე ეკუთვნის ალბათ მთავარი მადლობა, ოღონდ, ჩვენზე მეტად, წესიერი რუსებისგან - სადღაც ერთი რაოდენობით ვიქნებით სამყაროში, წესიერი ქართველები და წესიერი რუსები",- წერს მშვილდაძე.

სსრკ-ს პირველი პრეზიდენტი მიხეილ გორბაჩოვი 92 წლის ასაკში ხანგრძლივი ავადმყოფობის შემდეგ გუშინ, 30 აგვისტოს გარდაიცვალა.

ასევე დაგაინტერესებთ:

📍"ადამიანი, რომელიც გარდაცვლილი მეგონა, დღეს მომკვდარა. რა უცნაურია" - დათო ლიკლიკაძე