"პირველად რომ ლევან ჩოხელთან ერთად ვიფრინე, ზამთარი იყო, ხევსურეთი, ცუდი რელიეფი, წელამდე თოვლი, ვერტმფრენი ვერ დაჯდა და ჰაერში გააჩერეს" - მარიკა ბაკურაძე

ჟურნალისტი მარიკა ბაკურაძე სოციალურ ქსელში გუდაურში მომხდარ ტრაგედიას ეხმაურება და  ტრაგიკულად დაღუპულ მფრინავ ლევან ჩოხელს იხსენებს.

"პირველად რომ ლევან ჩოხელთან ერთად ვიფრინე, ზამთარი იყო, ხევსურეთი, ცუდი რელიეფი, წელამდე თოვლი, ვერტმფრენი ვერ დაჯდა და ჰაერში გააჩერეს.

მთელი გუნდი ხელში აყვანილმა გადმოგვსვა, მას მერე დამინახავდა თუ არა იცინოდა - სულ ხელში აყვანილმა უნდა გატაროო.

როდესაც ფრენაზე მივიდოდი, აეროდრომზე შესვლისთანავე ვცდილობდი მფრინავებს შორის ეს ოქროს კაცი მეპოვა.

სანდო და პროფესიონალი, მშვიდი და ღიმილიანი.

მეორე დღეა ჩემს სიუჟეტებს ვეძებ, ვუყურებ, ვატრიალებ ამ კადრებს და გული მეგლიჯება.

სულ ვფიქრობ იმ ბოლო წამებზე, რომ დაეშვნენ, მიხვდნენ რომ საშველი აღარ იყო და ჩავარდნენ, ნეტავ რას ფიქრობდა, რა განიცადა..

ასეთი ხალხი ასე წამში როგორ დავკარგეთ...", - წერს მარიკა ბაკურაძე.

30 ივლისი საქართველოში გლოვის დღედ გამოცხადდა.

სასაზღვრო პოლიციის ვერტმფრენი, გუდაურთან, 29 ივლისს ჩამოვარდა. ვერტმფრენმა, რომლის დახმარებით ჩამოვარდნილი პარაპლანისტების სამაშველო ოპერაცია მიმდინარეობდა, მართვა დაკარგა.

შსს-ს ინფორმაციით, ბორტზე 8 ადამიანი იმყოფებოდა. ყველა მათგანი დაიღუპა.

დაშავებულია პარაპლანის ინსტრუქტორი, მასთან ერთად მყოფი უცხოელი ტურისტი კი გარდაცვლილია.

საჰაერო ტრანსპორტის ექსპლუატაციის წესების დარღვევის ფაქტზე გამოძიება საქართველოს სისხლის სამართლის კოდექსის 275-ე მუხლით მიმდინარეობს.

ასევე დაგაინტერესებთ:

* "ჩამოართვით სოციალურად დაუცველ მილიონერს ქონება და აღარ გვეყოლება 1980 წელს გამოშვებული ვერტმფრენები"

* "პარაპლანისტების ლიცენზირება დაგვიცავს მომავალში მსგავსი ტრაგედიებიდან? პირველ არხს ძველი შენობა რომ არ მოსწონს, ახლის ასაშენებელი 50 მილიონი ხომ გვაქვს?! - როდემდე უნდა გაგრძელდეს განუკითხაობა"