რამდენი განათლებული ადამიანია, რომელსაც დღემდე სჯერა, რომ ვაქცინა ვნებს, წმინდა ცეცხლი თავისით ინთება ან 5 G ინტერნეტი კორონას აჩენს? - რომან გოცირიძე

 მე-10 მოწვევის პარლამენტის დეპუტატი, ნაცმოძრაობის წევრი რომან გოცირიძე, ფეისბუკის საკუთარ გვერდზე წერს:

"პუტინი მძიმედ არის ავად და დღეს თუ ხვალ მოკვდება, პუტინი გაგიჟდა, პუტინს საკუთარი გენერლები მოკლავენ, პუტინი მოსკოვში არ არის, ვისაც კრემლის კაბინეტში ვხედავთ, მისი ორეულია, პარადზეც ორეული იდგა, პუტინი სვერდლოვსკის ოლქშია ღრმა მიწისქვეშა ბუნკერში, რომელსაც ატომური ბომბიც კი ვერ ანგრევს, პუტინი 9 მაისის აღლუმზე იმ თვითმფრინავს გადააფრენს წითელ მოედანზე, რომელიც ატომური ომის დროს მას ცაში დიდ, მიუწვდომელ სიმაღლეზე აიყვანს და იქიდან მართავს პროცესებს(ასეთი მართლა აქვს, გადაფრენის ალბათობის არარეალუსტურობას ვგულისხმობ), პუტინი “ლუჟნიკის” სტადიონზე ჩვენს თიკუნა კანდელაკთან და სხვა ალქაჯებთან ერთად სცენაზე არ იდგა და იქ საერთოდაც არ ყოფილა, ეს ვიდეომონტაჟი იყო, ისევე როგორც ვიდეომონტაჟია სტიუარდესებთან მისი შეხვედრა. ბევრი მსგავსი რაღაცები გსმენიათ ხომ საკმაოდ სერიოზული და არასერიოზული შინაური თუ “გარეული” ადამიანებისაგან? ჰო და ეს ყველაფერი სისულელეა, კონსპირაციული თეორიების ახალი ვერსიებია.

შეთქმულების თეორიებში ჩაყოლა იმდენად ღრმა და გამოუცნობი ფსიქოლოგიური მოვლენაა, რომ ამის ახანას აქ არ შევუდგები და ვერც გამომივა ალბათ. კი, განათლება და მეცნიერული აზროვნებაა მსგავსი მოვლენის საწინააღმდეგო წამალი, მაგრამ რამდენი განათლებული ადამიანია დედამიწაზე, რომელსაც დღემდე სჯერა, რომ ადამიანი მთვარეზე არ გაფრენილა და რაც ვნახეთ, დადგმული სცენაა, რამდენს სჯერა რომ ვაქცინა ვნებს( ოჰ, ეს ანტივაქსერები, არ გამახსენოთ😀😡), რამდენს მართლა სჯერა, რომ წმინდა ცეცხლი თავისით ინთება ან 5 ჯი ინტერნეტი კორონას აჩენს? მასონებზე და ფარულ მსოფლიო მთავრობაზე მითები კიდევ სხვა ისტორიაა.

რაც შეეხება პუტინს, ის თავისით არ მოკვდება და არც მოკლავენ, მას უკრაინა და მისი მხარდამჭერი მსოფლიო “მოკლავს”.” – წერს როან გოცირიძე ფეისბუკში.

ასევე წაიკითხე:

🔵სააკაშვილს მისჯილი აქვს სასჯელი, რომელიც უნდა მოიხადოს, ბავშვობანას ხომ არ ვთამაშობთ, ჩვენ ვართ სახელმწიფოში - თეა წულუკიანი

🔵მიშას მითითებით, მოღალატეების კივილი დაგვიწყო ჯოგმა - თამარ ჩერგოლეიშვილი

🔵ირაკლი ღარიბაშვილი: 6 წელი გავიდა საოკუპაციო ხაზთან ქართველი პატრიოტის, გიგა ოთხოზორიას სასტიკი მკვლელობიდან - დამნაშავეებმა კანონის სრული სიმკაცრით უნდა აგონ პასუხი