„საქართველოში არის, სავარაუდოდ, ჰონგ-კონგში გავრცელებული ომიკრონის ვარიანტების აფეთქება“ - გიორგი ფხაკაძე საგანგაშო ინფორმაციას აქვეყნებს

საზოგადოებრივი ჯანდაცვის ექსპერტი, გიორგი ფხაკაძე, ფეისბუკის საკუთარ გვერდზე მორიგ ინფორმაციას ავრცელებს, რომელიც საქართველოში არსებულ კოვიდვითარებას ეხება:

„საქართველოში არის კოვიდ აფეთქება და ეს ყველამ ვიცით. 

ბატონმა ივანე ჩხაიძემ ბრძანა - “ახლა ცირკულირებს ე.წ. ჰონგ-კონგის ვირუსი H3-N2” და მთელი სააგენტოები ბრმად აჰყვნენ ამ ამბავს. გადაამოწმეთ ხოლმე, რას წერთ. 

ჰონგ-კონგში კი დღეს ომიკრონის BA. 4 და BA. 5 აფეთქებაა, რეანიმაციებში ადგილები აღარ არის და ლოკდაუნზეა საუბარი.

ამ საკითხზე უნდა საუბრობდეს ქვეყანაში კომპეტენტური ორგანო/პირი, დაავადებათა კონტროლის ცენტრის დირექტორი სად არის ცენტრის დირექტორი? ამდენ ხანს რატომ არ დაინიშნა კომპეტენტური ადამიანი?!

ვინაიდან ქვეყანაში კომპეტენტური ადამიანი ვერ მოიძებნა, მე მიწევს განმარტების გაკეთება.

საქართველოში არის, სავარაუდოდ, ჰონგ-კონგში გავრცელებული ომიკრონის ვარიანტების BA. 4 და BA. 5 აფეთქება.

რა არის გასაკეთებელი?! ბევრი რამ არის გასაკეთებელი, მაგრამ საქართველოში ამის გამკეთებელი არავინ არ არის 

ისე, ებოლას აფეთქებაც არის უგანდაში ახლა და, სავარაუდოდ, ბრიტანეთშიც შეიპარა (დღეს განგაში ატყდა, სავარაუდოდ საქმე ჩუტყვავილასთან გვაქვს). საქართველოში კოვიდმა რა გვიქნა, აგერ ვხედავთ და ებოლა რას გვიზამს საერთოდ…

სასწრაფოდ უნდა დაინიშნოს დაავადებათა კონტროლის ცენტრის კომპეტენტური დირექტორი“, -წერს გიორგი ფხაკაძე.

ასევე საინტერესოა:

🔵  ანტიბიოტიკიც დაუნიშნა და კბილებზე რენტგენის გადაღება მოსთხოვა - რას ჰყვებიან 9 წლის გოგონაზე, რომლის გარდაცვალებასაც კბილის ამოღების შემდგომ გართულებას უკავშირებენ

🔵 „ახლახან ქუთაისში თეთრი ხიდიდან ახალგაზრდა ბიჭი გადახტა, დაიძახა "ამ პრედუზო მედუზო" - რას წერს დათო ლიკლიკაძე