„ცარიელი სიტყვები და სადღეგრძელოები არ სჭირდება ევროპელი ხალხის ეროვნულობის დადასტურებას, მათი საქმე ზუსტად გამოხატავს და ამტკიცებს მათ ეროვნებას“

„ცარიელი სიტყვები და სადღეგრძელოები არ სჭირდება ევროპელი ხალხის ეროვნულობის დადასტურებას, მათი საქმე ზუსტად გამოხატავს და ამტკიცებს მათ ეროვნებას და ინდივიდუალურობას“, - ამის შესახებ დეკანოზმა, მიუნხენის წმინდა ვახტანგ გორგასლის სახელობის ქართული მართლმადიდებელი ეკლესიის წინამძღვარმა, თამაზ ლომიძემ „ფეისბუკზე“ დაწერა.

„ევროპაში ასე ხდება...

ქართველი, სუფთა ქართველი, მაგარი ქართველი, უძველესი ქართველი და ა.შ. ყველა ფორმაში.

როგორ ხდება ევროპაში?

ევროპელები არ გაჰყვირიან: ჩვენ გერმანელები ან ჩვენ, ნამდვილი შევეიცარიელები ან ჩვენ, სუფთა ჰოლანდიელები და ა.შ. ევროპელი ძალიან იშვიათად, თითქმის არასოდეს უსვამს ხაზს საკუთარ ეროვნებას, თუმცა მისი ენაც, ეროვნული ნიშნებიც და თვითმყოფადობაც საკუთარ სახელმწიფოში უმაღლეს დონეზე აქვს დაცულიც, წახალისებულიც და ხელშეწყობილიც. რაში სჭირდება ცარიელი სიტყვებით საკუთარ ეროვნებაზე ბაქი-ბუქი?!

ევროპელი გაჩვენებს მის საქმეს და შენ დაუეჭვებლად იცი, რომ ეს გერმანელია, ის შვეიცარიელია, ის კი ჰოლანდიელია. მაგალითად, შეხვალ გერმანიაში ავტობანზე, ბენზინგასამართი სადგურის ტუალეტში და გაოცდები, ისეთი წესრიგი და სისუფთავეა.

უკვე იცი, რომ ეს გერმანია და გერმანული წესრიგია. შეხედავ მათი ავტომობილების ტექნიკურ სრულყოფილებას და იცი, რომ ეს გერმანელის ბრწყინვალე საინჟინრო თვისებების შედეგია. ნახავ საიუველირო და ტექნიკური ხელოვნების მართლაც მწვერვალს, უზუსტეს შვეიცარულ მექანიკურ საათს ან შვეიცარულ ყავის მანქანას და ზუსტად იცი, ვინ არიან და რა ხალხია შვეიცარიელები.

გაივლი ჰოლანდიის გზებზე, ნახავ ათასობით ქარის წისქვილით მოფენილ, სუფთად დავარცხნილ ველ-მინდვრებს და იცი, ვინ არიან და რა ხალხია ჰოლანდიელები. ცარიელი სიტყვები და სადღეგრძელოები არ სჭირდება ევროპელი ხალხის ეროვნულობის დადასტურებას, მათი საქმე ზუსტად გამოხატავს და ამტკიცებს მათ ეროვნებას და ინდივიდუალურობას. ასეა ევროპის ყველა ქვეყანაში. ეს არის ევროპა.

ევროპიდან გწერთ ამას.

განა არ გინდათ, ევროპასთან გაერთიანებით ჩვენი საქართველოც ასეთი გახდეს?

#ევროპაშიასეხდება“, - წერს სასულიერო პირი.

ასევე დაგაინტერესებთ:

🔵 „მექსიკიდან შემოსული მამაკაცი, რომელმაც ბინა დააგირავა, ოჯახი ქირით გაიყვანა და ამ თანხით წამოვიდა ამერიკაში ბედის საძიებლად... შემოიყვანეს მიოკარდიუმის ინფარქტით...“ - ამერიკაში მცხოვრები ქართველი ექიმი

🔵 საბერძნეთში გიორგი ბაჩიაშვილის ვილა გაძარცვეს - წაღებულია 90 ათასი ევროს ღირებულებების ძვირფასეულობა

🔵 დოლარის და ევროს კურსი გათანაბრდა - რამდენად შეიძენთ უცხოურ ვალუტას?