"უნდა გამოვთქვა ჩემი პატივისცემა გრიგოლ ვაშაძის მიმართ. ის ყოველთვის ერთი ნაბიჯით წინ დგას სხვა ოპოზიციონერი პოლიტიკოსებისგან" - დავით გადელია

ვახტანგ ბოჭორიშვილის სახელობის კლინიკის გენერალური დირექტორი დავით გადელია სოციალურ ქსელში რუსეთ-უკრაინის ომსა და საქართველოსთვის ამ ომის გავლენაზე წერს:

"მოვლენებზე სისტემური ხედვა
ვიცი, ადამიანთა უმრავლესობას ეზარება მოვლენებში ღრმად ჩაწვდომა;

მოვლენების სისტემურად, მთლიანობაში დანახვა და ანალიზი. უფრო ადვილი და სასიამოვნოცაა, ემოციური რეაქცია:-"ამის დედა @@@, იმის- ჯერ არა.."

არ იფიქროთ ზემოდან, ამპარტავნულად ვამბობ - მეც ასე ვარ!

მეც ხშირად მეზარება ვრცელი ანალიზის წაკითხვა;

ერთი ეგაა, რომ ემოციიდან გამომდინარე არაფერს ვამტკიცებ..

სისტემურად რომ შევხედოთ უკრაინაში ომს, პირველ რიგში ჩვენი ქვეყნისთვის საშიში რისკები უნდა დავითვალოთ. ჩამოწერაც შეიძლება, მნიშვნელობის მიხედვით. ჩემი აზრით ასეთი რიგია:

1. არ დავკარგოთ სახელმწიფოებრივი დამოუკიდებლობა;

2.არ დავკარგოთ ადამიანები, არ დაგვენგრეს ქალაქები- ანუ არ აღმოვჩნდეთ საომარ მოქმედებებში ჩაბმული.

3.არ ჩამოვცილდეთ ევრო-ამერიკულ სამყაროს, არ ავღმოჩნდეთ ოფსაიდში;

4. გავაკეთოთ მხოლოდ საჩვენო საქმე, მაგრამ რადგანაც მაინც ქართველები ვართ, ამავე დროს არ დავკარგოთ სახე სხვა ქვეყნების თვალში (გაგიკვირდებათ და ეს "რისკიც" მოხვდა ჩემს ჩამონათვალში).

ახლა, რა სისტემაც ჩამოყალიბდა ჩვენს ქვეყანაში, ბევრ გამოწვევას პასუხობს.

ხელისუფლება ცდილობს 1-2 პუნქტების დაზღვევას.

ამავე დროს, დარწმუნებული ვარ, მუდმივი კავშირშია ჩვენს სტრატეგიულ პარტნიორებთან.

ჩემი აზრით, სწორად იქცევა პრეზიდენტიც - მისი ქმედება ქვეყნის ოფიციალურ პოლიტიკად არ ითვლება, რაც 2 - პუნქტის რისკს არ ამძიმებს, მაგრამ ამავე დროს, დანარჩენ რისკებს საკმაოდ ამსუბუქებს.

ოფიციოზის მსუბუქი დაპირისპირებაც პრეზიდენტთან არ ცდება თამაშის წესს და არ აფუჭებს სისტემას.

სამწუხაროდ, არ მგონია, რომ ხელისუფლება - პრეზიდენტის ქმედება შეთანხმებული იყოს - ეს უმაღლესი ლეველია და ჩვენ არ ვართ აქამდე მისული, მაგრამ ვფიქრობ, პრეზიდენტი ყველაფერ ამას ინტუიტიურად გრძნობს და ეს მის ნამდვილ პოლიტიკოსობაზე მეტყველებს.

რადგანაც პილიტიკოსის ინტუიციას, ცოდნას შევეხეთ, უნდა გამოვთქვა ჩემი პატივისცემა გრიგოლ ვაშაძის მიმართ.

ის ყოველთვის ერთი ნაბიჯით წინ დგას სხვა ოპოზიციონერი პოლიტიკოსებისგან, უფრო ადრე ხედავს მოვლენებს, არ უჭირს გადაწყვეტილების მიღება - თუნდაც ის გარკვეული, მისთვის ახლო ჯგუფისთვის მიუღებელი იყოს და არც ხელისუფლების სწორი ნაბიჯების აღნიშვნაა მისთვის ძნელი.

ასევე, საინტერესო პოზიციები აქვს გიორგი ვაშაძეს.

მუდმივი ოპონირების რეჟიმის მიუხედავად, ის გამოსახავს სივრცეს, სადაც შესაძლებელია ხელისუფლებასთან ერთად თანამშრომლობა.

მისი წინადადებების ასეთი იგნორი ხელისუფლებისგან, არ მგონია სწორი.

ის მაინც უპასუხეთ - "არ გვჭირდება, უშენოდაც ვაკეთებთ.." ან რამე მაინც თქვით.

ოპოზიციური პოლიტიკოსების, პარტიების უმრავლესობას, საწინააღმდეგო აზრის თქმა, სამწუხაროდ მხოლოდ თვითმიზნად აქვთ გადაქცეული და ხშირად არ აკვირდებიან რას უწევენ ოპონირებას.

ეს ქვეყანასაც ავნებს და დროში მათ რეიტინგსაც ამცირებს, ნეიტრალურ მოსახლეობაში (არ ვგულისხმობ იმ პროცენტს, რომელთათვისაც სულ ერთია რას იტყვის ოპოზიცია - ის მაინც თანახმაა, ან წინააღმდეგი!).

ერთი სიტყვით, იმის თქმა მინდა, რომ ახლანდელი სისტემა სტაბილურია და მუშაობს ამ რისკებისათვის.

თუ ასე გაგრძელდა მოვლენები - შედარებით დაცულები ვართ და ყველაფერი ჩვენთვის სასარგებლოდ უნდა დამთავრდეს.

თუმცა არაა გამორიცხული და მაღალი ალბათობაცაა, რომ შეიცვალოს გარემოებები და საჭირო გახდეს სისტემის გადაწყობა.

სწორედ იმაში გამოიხატება პოლიტიკოსთა ჭკუა და ინტუიცია, რომ მყისიერად და ზუსტად უპასუხოს შეცვლილ გარემოებებს", - წერს გადელია ფეისბუკზე.

ასევე დაგაინტერესებთ:

🔳 "აბiდნi ნუ... გამოვისხით ყველგან ლურჯ-ყვითელი ფერები... მივეჩვიოთ იმის კეთებას, რაც ჩვენს ქვეყანას აწყობს!!" - რას წერს ექიმი დავით გადელია