"ვეცდები ავხსნა ადამიანურ ენაზე, რატომ არ ერევა ნატო რუსეთ-უკრაინის ომში" - ნიკო მიქაია

" ვეცდები ავხსნა ადამიანურ ენაზე, რატომ არ ერევა ნატო რუსეთ-უკრაინის ომში", - ამის შესახებ ფეისბუკზე სამოქალაქო აქტივისტი, ნიკო მიქაია წერს:

"ახლა რაც შეეხება NATO-ს!

1. ყველაზე მეტად ახლა პუტინს სჭირდება ნატოს ჩართვა ომში! რატომ? იმიტომ, რომ მოირგოს წამებულის მანტია, თითქოს ალიანსმა გადაწყვიტა მისი განადგურება და ის მარტო ებრძვის ნატოს! ამით ის ეცდება დადგეს მორალურ პედესტალზე საკუთარ ხალხთან, რომ სინამდვილეში ის არის აგრესიის მსხვერპლი, თორემ თვითონ ატარებდა უბრალოდ უკრაინის განთავისუფლების ოპერაციას!

2. ნატოს ჩართვა პუტინს უხსნის ხელ-ფეხს გამოიყენოს ბირთვული იარაღი! მართალია მაგ ქობინებს ერთ ადგილას გაუკეთებენ პუტინს, როგორც კი გაბედავს რამეს, მაგრამ მსხვერპლი და ზარალი იქნება ძალიან დიდი, მათ შორის რუსეთშიც და ეს გამოიწვევს ჰუმანიტარულ კატასტროფას მსოფლიოში, გარდა იმისა, რომ ადამიანები გაწყდება მილიონობით!

3. NATO ეხმარება უკრაინას ყველანაირად! აიარაღებს მას კბილებამდე, გამოყოფს მილიარდებს და უდიდეს ჰუმანიტარულ დახმარებას! სწორედ ამიტომ არის ის, რომ რუსეთის არმია უკვე დანგრეულია, როგორც მორალურად ასევე ტექნიკურად!

4. NATO მიუხედავად ყველაფრისა, არის სრულ საბრძოლო მზადყოფნაში! მათ უპრეცედენტოდ აქვთ გამაგრებული აღმოსავლეთ ევროპა ამ წუთს! ნატოს ჯარების ასეთი მობილიზება არასოდეს ყოფილა რეგიონში! ჰარი ტრუმენის ავიამზიდი დგას ეგეოსის ზღვაში! ამერიკული მოიერიშეები აკონტროლებენ უსაფრთხოებას შავი ზღვის აკვატორიაში და აღმოსავლეთ ევროპის ცაზე!

5. NATO ამბობს, რომ როგორც კი რუსეთი გაბედავს და რომელიმე წევრი ქვეყნის მიმართ გაისვრის ერთ ტყვიას მაინც, ამოქმედდება მე-5 მუხლი და ნატო ჩაერება საბრძოლო მოქმედებებში!

6. რაც შეეხება ყბადაღებულ ცის დაკეტვას! ზელენსკის პოზიციები არის ძალიან სწორი! ის ითხოვს ნატოსგან მაქსიმუმს და იღებს შესაძლებელს! რომ ითხოვდეს შესაძლებელს, ალბათ მიიღებდა მინიმუმს! სწორედ ამ მოთხოვნის გამო, ბრიტანეთმა უკვე გადასცა star streak-ის საჰაერო თავდაცვის სისტემა! პენტაგონმაც განაცხადა გუშინ, რომ მზად არის მიაწოდოს უკრაინას ბევრად უფრო ეფექტური იარაღი, ვიდრე სამხედრო თვითმფრინავებია! დამიჯერეთ, თუკი კარგი საჰაერო თავდაცვა მიაწოდეს, არაფერში სჭირდება უკრაინას თვითმფრინავები! ის არ აპირებს მოსკოვის ან პეტერბურგის დაბომბვას!

7. რუსეთი ამბობს, რომ ნატოს მიერ ცის დაკეტვას, ის განიხილავს როგორც მესამე მხარის ჩართვას ამ შეირაღებულ კონფლიქტში! ამას ნატო რატომ არიდებს თავს, პირველ პუნქტში დავწერე ზემოთ!

8. NATO-მ დაანახა მთელ მსოფლიოს, რომ უომრად გაანადგურებს რუსეთის უძლეველობის მითს და გააკეთა კიდეც! ყველას აჩვენა, რომ ისე დაანგრია რუსეთი, რომ არც კი ჩართულა ამ ომში!

9. და ბოლოს! სანქციები. ზუსტად ეს არის ნატოს ომი! დღეს პესკოვმა ზუსტად ასე უწოდა ამ ყველაფერს! ეკონომიკირი ომი დასავლეთთანო! ზუსტად ეს იქნება ის, რაც საბოლოოდ დააკონსერვებს რუსეთს ბევრი ათეული წლით ძალიან პატარა ნაჭუჭში! რუსეთი დაიშლება აუცილებლად!

ასე რომ ისტორიას თუ აქამდე ვკითხულობდით და ვსწავლობდით, ახლა ვხედავთ პირდაპირ როგორ იწერება ის და ვართ მისი პირდაპირი მონაწილეები!

NATO-ს ლანძღვა არის სრული მარაზმი! რომ არა ნატოს შეიარაღება, უკრაინაში ახლა იქნებოდა ბევრად მძიმე სურათი, ვიდრე არის ახლა!

ახლა უკრაინა ამ ომს ზუსტად ნატოს იარაღით იგებს!

მაგრამ რა თქმა უნდა მათი ყველაზე მთავარი იარაღი, მათი შეუპოვარი სული, მებრძოლი სულისკვეთება და ერთიანობაა!

პ.ს. მე პირადად მგონია, რომ თუ პუტინი დროზე არ მოკლა საკუთარმა გენერალიტეტმა, ნატოს ეს ომი მაინც არ ასცდება!

ასე რომ დიდება უკრაინას! დიდება საქართველოს!  დიდება NATO-ს!", - წერს ნიკო მიქაია. 

სხვა სიახლეები:

🔲 „პუტინმა ჩერნობილის ატომურ სადგურზე ტერაქტის მომზადების ბრძანება გასცა“ - უკრაინის სადაზვერვო სამმართველო

🔲 ქალი, რომელიც სამშობიაროს დაბომბვისაც დაშავდა გოგონა შეეძინა

🔲 "Russia Today-ს და Sputnik-ის საინფორმაციო გავლენას რუსეთის სამხედრო დაზვერვა, GRU აწარმოებს" - როგორ მუშაობს რუსული დეზინფორმაცია, ჯოზეფ ბორელის გამოსვლა ევროპარლამენტში