"ვინც შაქარს და მარილს ჭარბად იმარაგებს, საერთოდ არ კითხულობს თქვენს მიერ დადებულ პოსტებს" - მამუკა გურული

MAGMA-ს დამფუძნებელი მამუკა გურული, სოციალურ ქსელ "ფეისბუკში" საქართველოში პროდუქტებთან დაკავშირებით შექმნილ აჟიოტაჟს ეხმაურება:

"ვეცდები აღვწერო რეალობა:

რეალურად ვინც შაქარს და მარილს ჭარბად იმარაგებს, საერთოდ არ კითხულობს თქვენს მიერ დადებულ პოსტებს.

ეს კატეგორია არც ვაჟკაცობისკენ, არც მთავრობის გადადგომისკენ, და საერთოდ არაფრისკენ არ მოგიწოდებდათ, იმიტომ რომ პრაქტიკულად არ პოსტავენ, დიდად არც ფეისბუკის მოხმარება იციან (გამონაკლისების გარდა).

ანუ არის ძირითადი მასა, კატეგორია, რომელიც საქართველოს მოსახლეობის ძირითად ნაწილს წარმოადგენს და ძალიან პრიმიტიული ემოციების და მოთხოვნილებების შესაბამისად მოქმედებს.

ჩვენ კიდევ აქ "ვღშფოთდებით", ჭკუას ვარიგებთ, მოვთქვამთ და ა.შ.

უკვე ორასმეორედ ვიმეორებ, რომ გამოსავალი შორ პერსპექტივაში არის მხოლოდ ერთი - მასობრივად, ფუნდამენტურად და მიზანმიმართულად მიეხედოს განათლების და სამოქალაქო პასუხისმგებლობის ბავშვობიდან აღზრდის პრობლემას.

ამ და წინა თაობას ხელახლა ვეღარ აღზრდი.

გამორიცხული ამბავია.

დანარჩენი უკვე "გამართლებაზეა ახლა, მაგრამ რომელი კლოაკა გაიხსნება და სად შეგვისრუტავს, დიდი აზრი არ აქვს, მაინც **აკში ვიქნებით.

რა თქმა უნდა ფეისბუკზე კონკრეტულ ინფორმაციულ ბრძოლას აზრი მაინც აქვს (პრორუსულ ბოტებს მაინც რომ გავუწიოთ კონკურენცია), მაგრამ საერთო ჯამში ამ მარილის და შაქრის მსგავს თემებზე აღშფოთება წუწუნის ენერგია ჯობია რამე ქმედითისკენ მივმართოთ.

იმიტომ, რომ ვისაც ეკუთვნის ჩვენი პოსტები, ისინი ფეისბუკს

პრაქტიკულად არ კითხულობენ, და შესაბამისად ეს ყველაფერი არ ესმით, ხოლო თუ ესმით - ორი ყური რისთვის აქვთ კი მიხვდებით.

ეს ხალხი - ჩვენივე არაცნობიერს ჰგავს, ჩვენივე ჩრდილების პროექციაა, თუ მივიღებთ ჩვენში, აღარც გაგვიკვირდება და აღარც გავბრაზდებით.

შემდეგი ნაბიჯია - მიზნობრივი აუდიტორიის შესაბამისად ვპოსტოთ და ფანტომებს არ ველაპარაკოთ", - წერს  ღლონტი ფეისბუკზე.

სხვა სიახლეები:

🔲 "ბრძოლის დროს დამეკარგა პირადობის მოწმობა და რუსებს ჩაუვარდა ხელში - რუსული ტელევიზია ავრცელებს ინფორმაციას, რომ ვარ ტყვედ" - ქართული ლეგიონის წევრი

🔲 პრეზიდენტი: ჩემი ორმოცწლიანი გამოცდილება დიპლომატიაში ქვეყნისთვის მაქსიმალურად გამოსაყენებელია - ვიდრე დასაკარგი

🔲 "რუსებს დაუძველდათ პროპაგანდისა და ტერიტორიების შემოერთების ლოგიკა, რომელიც ამგვარია..." - რას წერს განათლების სპეციალისტი თამარ მოსიაშვილი