მსოფლიოს ჩემპიონატზე კლასიკურ წოლჭიმში ქართველმა სპორტსმენებმა 12 მედალი მოიპოვეს

მსოფლიოს ჩემპიონატზე კლასიკურ წოლჭიმში საქართველომ 4 ოქროს, 6 ვერცხლისა და 2 ბრინჯაოს მედალი მოიპოვა. აღნიშნულის შესახებ ინფორმაციას საქართველოს სპორტის სამინისტრო ავრცელებს.

მათივე ცნობით, გუნდურ შეჯიბრებაში ჭაბუკ ვაჟთა გუნდმა მეორე ადგილი, ქალთა გუნდმა - მესამე, ხოლო ახალგაზრდებში ვაჟთა გუნდმა მეორე ადგილი დაიკავა.

შედეგები ასეთია:

ღია ასაკობრივი კატეგორია, ქალები:

სოფიკო კვანჭიანმა (63 კგ) დააფიქსირა 120 კგ და გახდა პირველი მსოფლიოს ჩემპიონი ქალი საქართველოდან
მარი ბეგლარიშვილმა (59 კგ) დაძლია 77,5 კგ და ვერცხლის მედალი მოიპოვა.

გოგონები:
ნინი მარუაშვილი (52 კგ) - 67,5 კგ, ვერცხლის მედალი;
სალომე მამისაშვილი (69 კგ) - 80 კგ, ბრინჯაოს მედალი.

ჭაბუკი მამაკაცები:

გოდერძი ქარცივაძემ (74 კგ) დაძლია 181 კგ, ოქროს მედალი მოიპოვა და დაამყარა მსოფლიოს რეკორდი;
საბა გოგიჩაიშვილი (66 კგ) - 145 კგ, ვერცხლის მედალი;
თორნიკე მარტაშვილი ( -120 კგ) - 180 კგ, ვერცხლის მედალი;
მერაბ სამხარაძე ( +120 კგ) - 180 კგ, ვერცხლის მედალი.

ახალგაზრდა მამაკაცები:

გიორგი გელაშვილი (59 კგ) - 155 კგ, ოქროს მედალი;
ალეკო სიდანოვი (66 კგ) - 175 კგ, ოქროს მედალი;
ანდრია მიქაუტაძე (53 კგ) - 87,5 კგ, ბრინჯაოს მედალი.

მამაკაცები, ღია კატეგორია:

ჯაბა სეფიაშვილი (59 კგ) - 172,5 კგ, ვერცხლის მედალი.

მსოფლიოს ჩემპიონატს პოლონეთის დედაქალაქმა ვარშავამ უმასპინძლა.