გარი კასპაროვი: დღეს მე ვგავარ ნოსტრადამუსს, რადგან აღვწერე ის, რისი მოსმენაც ხალხს არ სურდა - პუტინის დიქტატურა ყველაზე დიდი საფრთხეა კაცობრიობისთვის

"პუტინის დიქტატურა ყველაზე დიდი საფრთხეა კაცობრიობისთვის",- ამ სათაურით გერმანული გამოცემა Frankfurter Allgemeine Zeitung-ი რუსი ოპოზიციონერი პოლიტიკოსის, ჭადრაკის ყოფილი ჩემპიონის გარი კასპაროვის ინტერვიუს ავრცელებს, რომელიც რომელიც ამჟამად "ადამიანის უფლებათა ფორუმისა და დემოკრატიის განახლების ინიციატივის" თავმჯდომარეა.

კასპაროვმა რუსეთის პრეზიდენტი ვლადიმერ პუტინი მწვავედ გააკრიტიკა.

"მე , რომ მართალი აღმოვჩნდი  სიხარულის მიზეზი არ არის. ეს ჩემი ქვეყნისთვის სრული ტრაგედიაა.

ვინც იღუპება დიქტატორისთვის - ბევრი მათგანი დაიბადა პუტინის დროს და პუტინის დროსვე მოკვდება.

დღეს მე ვგავარ ნოსტრადამუსს, რადგან აღვწერე ის, რისი მოსმენაც ხალხს არ სურდა - იმისთვის, რომ დიქტატურა დაიშალოს, სამი ფაქტორია საჭირო.

პირველი არის სამხედრო დამარცხება - ეს შეიძლება მოხდეს, თუ უკრაინა საკმარის წინააღმდეგობას გაუწევს.

მეორე ფაქტორი არის ეკონომიკური და ფინანსური კოლაფსი

მესამე ფაქტორი არის - იზოლაცია.

სამივე კომპონენტის დაკმაყოფილების შემთხვევაში, რეჟიმი შეიძლება ერთ ღამეში დაინგრეს.

პუტინის რეჟიმი მხოლოდ ფულზეა დაფუძნებული, ის უფრო მაფიოზურ სახელმწიფოს ჰგავს.

სანამ ბოსი ანაწილებს ფულს და დაცვას, ხალხი მის უკან დგას.

როგორც კი ფული ჩერდება, მაშინვე ქრება ლოიალობა", – აცხადებს გარი კასპაროვი გერმანულ გაზეთთან ინტერვიუში.

სხვა სიახლეები:

🔲 "რუსეთი ზელენსკის ყალბ ვიდეოს ამზადებს, სადაც პრეზიდენტი თითქოს უკრაინის კაპიტულაციას გამოაცხადებს. ეს ყალბია" - უკრაინის დაზვერვა მოსახლეობას აფრთხილებს

🔲 ხარკოვის დაბომბვას ეუთო-ს წევრის სიცოცხლე ემსხვერპლა

🔲„რუსეთი ერთია და იგი, პოლიტიკური თვალსაზრისით იყო, არის და დარჩება საქართველოს მტერი“ - დეკანოზი ბასილ გოგოტიშვილი