როგორია ბოლო ცნობები უკრაინიდან - გასული 24 საათის შეჯამება

როგორია ბოლო ცნობები უკრაინიდან - გასული 24 საათის შეჯამება

🔵 უკრაინის შეიარაღებული ძალების გენშტაბის ცნობით, ბელარუსმა სამხედროებმა უკრაინაზე თავდასხმის ბრძანება მიიღეს. კერძოდ, გენშტაბის თანახმად, უკრაინა-ბელორუსიის საზღვართან, ბელარუსის ტერიტორიაზე, მობილიზებულია ბელარუსის რესპუბლიკის შეიარაღებული ძალების 38-ე საჰაერო-სადესანტო ქვედანაყოფი.

🔵 უკრაინის პრეზიდენტი სხვა ქვეყნების ლიდერებს ესაუბრა და მოუწოდა, სასწრაფოდ მიიღონ ზომები პუტინის “ბირთვული ტერორის” წინააღმდეგ. საუბარი შედგა როგორც აშშ-ის პრეზიდენტთან, ისე დიდი ბრიტანეთის პრემიერ-მინისტრთან.  

🔵 ვოლოდიმირ ზელენსკიმ მოუწოდა ევროპას, “გამოიღვიძოს. მისი თქმით, რუსეთს 1986 წელს ჩერნობილში მომხდარი კატასტროფის გამეორება სურს.

🔵 სამხრეთ-აღმოსავლეთ უკრაინაში მდებარე ქალაქ ზაპოროჟიის ატომურ ელექტროსადგურზე ცეცხლი გაჩნდა მას შემდეგ, რაც ტერიტორია რუსეთის ძალებმა დაბომბეს. უკრაინელებმა ცეცხლის ჩაქრობა შეძლეს.

🔵 რუსეთი კვლავ ცდილობს წინსვლას და ააქტიურებს საბრძოლო მოქმედებებს უკრაინის სამხრეთში. მას შემდეგ, რაც ქალაქი ხერსონი დაიკავა, ის საპორტო ქალაქ მარიუპოლს უახლოვდება.

🔵 ლავროვმა განაცხადა, რომ „სპეციალური სამხედრო ოპერაცია“ ბოლომდე მივა.

🔵 რუსეთი და უკრაინა 3 მარტის მოლაპარაკებებისას შეთანხმდნენ, რომ მოეწყობა “ჰუმანიტარული დერეფნები” მოქალაქეთა ევაკუაციის მიზნით. დღეს 4 მარტს ევაკუაციის განრიგი გამოქვეყნდდა.