"შეიძლებოდა წინასწარ გამოგვეცხადებინა ზუსტად როდის დაესხმებოდა თავს რუსეთი უკრაინას, მაგრამ ეს გამოიწვევდა..." - რას აცხადებს უკრაინული მხარე

"შეიძლებოდა წინასწარ გამოგვეცხადებინა ზუსტად როდის დაესხმებოდა თავს რუსეთი უკრაინას, როდესაც უკვე ზუსტად ვიცოდით ამის შესახებ, მაგრამ ეს გამოიწვევდა ლტოვილების დიდ ნაკადს",- ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, ალექსეი არესტოვიჩმა ISLND TV-სთან ინტერვიუში განაცხადა.

ინფორმაციას უკრაინული მედია ავრცელებს:

მისივე განმარტებით, ეს იქნებოდა ხელსაყრელი მომენტი რუსეთის სამხედრო ხელმძღვანელობისთვის და ამ სიტუაციაში ომს უკრაინა წააგებდა.

„ისინი ჩახერგავდნენ ყველა გზას, ეს იქნებოდა 8-10-12 მილიონი ადამიანი და არმია ვერ მივიდოდა თავდაცვის რაიონებში.

გესმით ხომ? ეს გამოიწვევდა გზების სრულ პარალიზებას

მარცხენა სანაპიროდან გადავიდოდნენ მარჯვნივ, 50 ხიდია უკრაინაში, გადაიჭედებოდა ყველაფერი.

ამ ვითარებას ვერ გავუმკლავდებოდით და ერთადერთი გამოსავალი იქნებოდა ტანკებით გადაგვევლო საკუთარ მოსახლეობაზე ან დაგვეხვრიტა, რომ გადაგვევლო ხიდები.

და ახლა ისმის კითხვა, რა გადაწყვეტილება უნდა მიგვეღო? ან უნდა გავჩუმებულიყავით ან დაგვეტოვებია ქვეყანა პარალიზებული, ან შესაძლებელი ჩაგვებარებია მარცხენა სანაპირო.

ამიტომ, ომის დაწყების ზუსტი თარიღის ართქმა იყო ერთადერთი სწორი გამოსავალი.

ყველა სცენარში, რომელიც ჩვენ ჩვენს მრჩევლებთან ერთად განვიხილეთ, ჩვენ ვერ შევძლებდით ეფექტიან ბრძოლას.

ჩვენი გათვლებით უკრაინიდან 16 მილიონი ადამიანი დაიწყებდა გაქცევას.

ვერცერთი ლოგისტიკური სისტემა ვერ გაუძლებდა ასეთ მასობრივ პანიკას და არეულობას, ეს მოიტანდა ადამიანების ჭყლეტაში დაღუპვას.

ეს იყო არჩევანი ცუდსა და უარესს შორის“, - განაცხადა არესტოვიჩმა.

სხვა სიახლეები:

📍"რას ნიშნავს, ჯობს დავიხოცოთ, ვიდრე მარადიულ მონობაში ვიცხოვროთ - ზოგ მედროვეს ახლა უდროოდ გაახსენდა რუსთაველის აფორიზმი "სჯობს სიცოცხლესა..."