The Times: პილოტი მეტსახელად "კიევის აჩრდილი" გასულ თვეს დაიღუპა - მისი ვინაობა ცნობილია

უკრაინული MiG 29-ის პილოტი, მეტსახელად "კიევის აჩრდილი", რომელმაც უკრაინული წყაროების თანახმად ომში არაერთი რუსული თვითმფრინავი ჩამოაგდო, გასულ თვეში ბრძოლაში დაიღუპა.

ინფორმაციას ამის შესახებ ბრიტანული გამოცემა The times-ი ავრცელებს.

გამოცემის ცნობით, დღეს პირველად გახდა ცნობილი იმ პილოტის ვინაობაც, ვინც “კიევის აჩრდილის” მეტსახელის უკან იდგა.

საუბარია 29 წლის მაიორ სტეფან ტარაბალკაზე, რომელიც ერთი შვილის მამაა.

ამავე ცნობით, მისი MIG-29 13 მარტს ჩამოაგდეს, თუმცა მანამდე, უკრაინული მხარის თანახმად, ათეულობით რუსული თვითმფრინავის განადგურება შეძლო, აქედან ექვსის – ომის პირველ დღეს.

"დღემდე პილოტის ვინაობას უკრაინული არმია საიდუმლოდ ტოვებდა, რაც აძლიერებდა განცდას, რომ “კიევის აჩრდილი” მითი იყო, რომელიც უკრაინულმა მხარემ ჯარში განწყობის გასაძლიერებლად მოიგონა.

სინამდვილეში, ტარაბალკა დასავლეთ უკრაინაშია დაბადებული და ხარკოვის საჰაერო ძალების უნივერსიტეტი აქვს დამთავრებული.

ის დაჯილდოებულია უკრაინის უმაღლესი მედლით მამაცობისთვის",- წერს გამოცემა.

ტარაბალკას დედა NPR-თან ინტერვიუში ამბობს, რომ მისი შვილი პილოტობაზე ღრმა ბავშვობიდან ოცნებობდა. მისი მამა ამბობს, რომ შვილის ბოლო ფრენის შესახებ მხოლოდ ის იციან, რომ “კიევის აჩრდილმა” დავალება შეასრულა, თუმცა უკან ვეღარ დაბრუნდა.

უკრაინული მხარის თანახმად, პილოტი დიდი რაოდენობის მტერთან ბრძოლაში დაიღუპა.

უკრაინა აცხადებს, რომ ომის განმავლობაში, ჯამში, მისმა არმიამ 189 რუსული თვითმფრინავი გაანადგურა, ასევე, 155 ვერტმფრენი და 229 დრონი.

ასევე დაგაინტერესებთ:

📌"რუსული ჭურვი მოხვდა მის სახლს, რომლის ნანგრევებშიც მან მთელი ღამე გაატარა" - კიევში "რადიო თავისუფლების" რეპორტიორი ვერა გირიჩი დაიღუპა

📌ამ ქონდრისკაცებს ვერ მოუნელებიათ, რომ ივანიშვილმა ბინა მაჩუქა და ამის გამო დღემდე ხელებს არ ვუკოცნი - გია ხუხაშვილი

📌"ბორჯომი" ბადრი პატარკაციშვილის ოჯახმა მიჰყიდა რუსებს 2013 წელს. ფრანგებს ან ამერიკელებს რატომ არ მიჰყიდა? - რომან გოცირიძე