"უკრაინელების მიერ გამოვლენილმა გამძლეობამ აიძულა რუსეთი შეეცვალა ტაქტიკა" - ზელენსკის ახალი მიმართვა ვრცელდება

უკრაინის პრეზიდენტმა ვოლოდიმირ ზელენსკიმ უკრაინელი ხალხისადმი ახალი მიმართვა გაავრცელა.

პრეზიდენტის განცხადებით, უკრაინელების მიერ გამოვლენილმა გამძლეობამ აიძულა რუსეთი შეეცვალა ტაქტიკა.

"რუსეთის მიერ უკრაინის ქალაქებზე სარაკეტო და ბომბდამშენებლური თავდასხმები იმის აღიარებაა, რომ მათ ვერაფერი გააკეთეს მნიშვნელოვანი ჩვენს მიწაზე.

ჩვენი თავდაცვის ყველა ხაზი შენარჩუნებულია.

მტერს არცერთ სტრატეგიულ მიმართულებაზე წარმატება არ აქვს...

ჩვენ ვეუბნებით რუსეთს: 

თქვენ აგვინაზღაურებთ ყველაფერს, რაც გააკეთეთ ჩვენი სახელმწიფოს წინააღმდეგ, ყოველი უკრაინელის წინააღმდეგ, სრულად.

უკრაინის მშვიდობიან მოსახლეობას უთიშავთ ელექტროენერგიას, წყალს და გათბობას.

ადამიანებს საკვებისა და წამლების გარეშე ტოვებთ. თქვენ ესვრით იმ მარშრუტებს, რომლითაც შესაძლებელია ეკავუაცია.

არ არსებობს იარაღი, რომელიც არ გამოიყენეთ უკრაინელების წინააღმდეგ, უკრაინის თავისუფალი მოქალაქეების წინააღმდეგ.

ახლა კი თქვენ გამოდიხართ და ეუბნებით თქვენს პროპაგანდისტებს, რომ აპირებთ ეგრეთ წოდებული ჰუმანიტარული კოლონების გაგზავნას უკრაინაში.

დაიმახსოვრეთ, უღმერთოებო, როდესაც მილიონობით ადამიანი გწყევლით, თავს ვერაფრით უშველით.

უკრაინელები ყველა იმ რეგიონში, რომელიც ომით გადაიწვა, ყველაფერს, რაც საჭიროა ჩვენგან მიიღებენ.

ნამდვილი ჰუმანიტარული დახმარება გზაშია", -  განაცხადა ზელენსკი.

სხვა სიახლეები:

🔴 "რუსეთი ზელენსკის ყალბ ვიდეოს ამზადებს, სადაც პრეზიდენტი თითქოს უკრაინის კაპიტულაციას გამოაცხადებს. ეს ყალბია" - უკრაინის დაზვერვა მოსახლეობას აფრთხილებს

🔴 რუსული არმიის დანაკარგები ომის დაწყების დღიდან

🔴 "ისინი კლავენ ბავშვებს და ქალებს - ჯარი კი არა ტერორისტები არიან" - უკრაინის თავდაცვის მინისტრი

🔴 სერგეი ლავროვმა დაასახელა მოთხოვნების სია, რომელსაც რუსეთი უკრაინას მოლაპარაკებების დროს წაუყენებს