"ვერ ვხედავ რუსეთის მხრიდან მოლაპარაკებებში რაიმე სერიოზულობას, ეს შეიძლება ყურადღების გადატანის მცდელობა იყოს" - ბლინკენი

ამერიკის შეერთებული შტატების სახელმწიფო მდივანმა ენტონი ბლინკენმა განაცხადა, რომ რუსეთის მხრიდან მშვიდობის მისაღწევად "სერიოზულობის ნიშნებს" ვერ ხედავს  და დასძინა, რომ მოსკოვმა ახლავე უნდა შეწყვიტოს აგრესია და უკრაინიდან გაიყვანოს თავისი ძალები. 

„არსებობს ის რასაც ამბობს რუსეთი და ის რასაც აკეთებს. ჩვენ ამ უკანასკნელზე ვაკეთებთ აქცენტს,” - თქვა მან.

მისი თქმით, ფაქტი რომ რუსეთი ამცირებს საომარ მოქმედებებს კიევის ირგვლივ, შეიძლება ეს ყურადღების გადატანის მცდელობა და უკრაინელების შეცდომაში შეყვანას ემსახურებოდეს.  

რუსეთმა სტამბოლში უკრაინულ მხარესთან დღევანდელი მოლაპარაკებების შემდეგ განაცხადა, რომ შეამცირებს სამხედრო ოპერაციებს კიევის გარშემო . TASS-ის ცნობით, რუსეთის თავდაცვის მინისტრის მოადგილემ ალექსანდრ ფომინმა აღნიშნა, რომ რუსეთი მზად არის „რადიკალურად შეამციროს“ სამხედრო აქტივობა კიევისა და ჩერნიგოვის ფარგლებს გარეთ. 

სტამბოლში სამშვიდობო მოლაპარაკების შემდეგ უკრაინულმა მხარის წარმომადგენელმა აღნიშნა, რომ კიევს სურს, რუსეთ-უკრაინის ომის გარანტი 8 ქვეყანა იყოს, მათ შორის პოლონეთი, ისრაელი, თურქეთი და კანადა. 

უკრაინის ოფიციალური პირები შიშობენ, რომ რუსეთი შესაძლოა შეეცადოს მიაღწიოს შეთანხმებას დროებითი ცეცხლის შეწყვეტის შესახებ, რათა შეძლოს სამხედრო ძალების გადანაწილება და ახალი შეტევის დაწყება. 

ასევე საინტერესოა

🔷„ომი მთავრდება მეგობრებო და პირველი მე ვიქნები, ვინც მოგილოცავთ“ - დომენიკ მანგო

🔷რუსეთს კიევისა და ჩერნიგოვის ოლქებიდან სამხედრო ძალების ნაწილი გაჰყავს

🔷არც ერთ სიტყვას უკან არ წავიღებ - ბაიდენი აზუსტებს რატომ უწოდა პუტინს "ყასაბი"