გერმანიის და საფრანგეთის მინისტრები: Facebook-ის გარეშეც კარგად ვართ

ევროპაში Facebook-ისა და Instagram-ის შესაძლო გათიშვას გერმანელი და ფრანგი პოლიტიკოსები გამოეხმაურნენ.

"ჰაკერული თავდასხმის შემდეგ, ოთხი წელია Facebook-ისა და Twitter-ის გარეშე ვცხოვრობ და ცხოვრება ფანტასტიკურია",- უთხრა გერმანიის ეკონომიკის მინისტრმა, რობერტ ჰაბეკმა ჟურნალისტებს გუშინ პარიზში საფრანგეთის ფინანსთა მინისტრთან ბრუნო ლე მაირთან ერთად გამართულ ღონისძიებაზე.

"შემიძლია დავადასტურო, რომ ცხოვრება ძალიან კარგია Facebook-ის გარეშე და რომ ჩვენ ძალიან კარგად ვიცხოვრებდით Facebook-ის გარეშე. ციფრულმა გიგანტებმა უნდა გაიგონ, რომ ევროპის კონტინენტი წინააღმდეგობას გაუწევს და დაადასტურებს თავის სუვერენიტეტს",- თქვა ლე მაირმა.

გერმანიის ეკონომიკის მინისტრის თქმით, ევროკავშირი დიდი ბაზარია და ის ეკონომიკურ ძალაუფლებას ფლობს. "თუ ჩვენ ვიმოქმედებთ ერთიანად, მსგავსი რამ არ შეგვაშინებს",- თქვა ჰაბეკმა.

ლე მაირმა ჩამოთვალა ღონისძიებები, რომლითაც ევროპის მთავრობები ტექნიკურ გიგანტებს დაუპირისპირდნენ. მათ შორისაა კონფიდენციალურობის წესები, დაბეგვრა და ციფრული ვალუტების ბლოკირება.

კომპანია Meta-მ განაცხადა, რომ მისი პლატფორმები: Facebook-ი და Instagram-ი შესაძლოა, მთელ ევროპაში დაიხუროს, რადგან მან ვერ მიაღწია მონაცემთა გაზიარების ახალ შეთანხმებას.

მომხმარებლების მონაცემთა დაცვის შესახებ ევროპული რეგულაციების მიხედვით, Meta-ს არ აქვს უფლება, რომ გადაიტანოს, შეინახოს და დაამუშაოს ევროპელების მონაცემები აშშ-ში დაფუძნებულ სერვერებზე.

ინფორმაციას „ბიზნესს ფორმულა“ აქვეყნებს.

ცნობისთვის: Meta-ს პლატფორმები, Facebook-ი და Instagram-ი შესაძლოა მთელ ევროპაში დაიხუროს. ამის შესახებ განცხადებას კომპანია Meta ავრცელებს.

ასევე საინტერესოა:

🔵 შესაძლოა Facebook-მა და Instagram-მა, ევროპაში ფუნქციონირება შეწყვიტოს

🔵 კომაროვის სკოლის კურსდამთავრებული, თიკა ქოქოშვილი სასწავლო პროგრამით “Meta”-ს ოფისს შეუერთდება

🔵 კულტურის სამინისტროს დაფინანსებით კომპიუტერული თამაში „დიდგორი“ იქმნება