კვიპროსზე დიდი ბრიტანეთის მოქალაქე ჯაშუშობისა და ტერორიზმის ბრალდებით დააკავეს

კუნძულ კვიპროსზე ჯაშუშობისა და ტერორიზმის ბრალდებით დიდი ბრიტანეთის მოქალაქე დააკავეს. მამაკაცს ბრალად ირანის სასარგებლოდ თვალთვალი ედება, რომელსაც კვიპროსზე მდებარე სამეფო საჰაერო ძალების ბაზაზე ახორციელებდა. ინფორმაციას BBC გვიზიარებს.

მედიის ცნობით, მამაკაცი წარმოშობით აზერბაიჯანიდანაა და ირანის რევოლუციური გვარდიის წევრებთან აქვს კავშირი. დღეს ის კვიპროსის რაიონულ სასამართლოზე წარდგა, სადაც წინასწარი პატიმრობა შეეფარდა. დიდი ბრიტანეთის განცხადებით, მათ კვიპროსის ხელისუფლებასთან აქვთ კომუნიკაცია.

აკროტირის სამეფო საჰაერო ძალების ბაზა ყველაზე მნიშვნელოვანი ობიექტია რეგიონში, საიდანაც დიდი ბრიტანეთი ისრაელის ცას ირანის თავდასხმისგან იცავს.

გასულ კვირას, კონფლიქტის დაწყების შემდეგ, გავრცელდა ინფორმაცია, რომ ტერიტორიაზე დამატებითი ძალების მობილიზაცია გამოცხადდა, დიდი ბრიტანეთის აქტივების დასაცავად.

როგორც კვიპროსის პოლიცია იუწყება, ტერორიზმთან დაკავშირებული დანაშაულებისა და ჯაშუშობისთვის ეჭვმიტანილი მამაკაცის შესახებ დამატებით, დეტალურ მონაცემებს, ეროვნული უსაფრთხოების დაცვის მიზნით, არ აქვეყნებს, თუმცა ირკვევა, რომ ბრალდებულს აპრილის დასაწყისიდან, მეთვალყურეობის ქვეშ ჰყავდა აკროტირის სამეფო საჰაერო ძალები და ინფორმაციას ირანის სამხედრო ძალებს უზიარებდა.