"მსახიობს იარაღი 20 წლის ასისტენტმა მიაწოდა, რომელმაც თავადაც არ იცოდა, რომ პისტოლეტში საბრძოლო ვაზნები იდო" - უცხოური მედია

სასამართლოს ცნობით, ჰოლივუდის მსახიობმა ალეკ ბოლდუინმა ფატალურ გასროლამდე არ იცოდა, რომ იარაღში ნამდვილი ტყვიები იდო.

ინფორმაციას BBC-ი ავრცელებს.

როგორც გამოცემის მიერ მოპოვებული სასამართლოს დოკუმენტებიდან ირკვევა, გადასაღებ მოედანზე ფატალურ გასროლამდე რამდენიმე წუთით ადრე მსახიობ ალეკ ბოლდუინს იარაღი რეჟისორის ასისტენტმა მიაწოდა.

ამასთან, ამავე დოკუმენტის თანახმად, არც ასისტენტმა იცოდა, რომ პისტოლეტში საბრძოლო ვაზნები იდო, რადგან მან პროტოკოლით გათვალისწინებული ფრაზით "ცივი იარაღი" - უთხრა მსახიობს იარაღის უსაფრთხოების შესახებ.

გამოცემამ ასევე მოიპოვა ტრაგედიის მომენტში გადასაღებ მოედანზე მყოფ ადამიანთა ნუსხა, რომელშიც აღნიშნულია იმ პირის ვინაობაც, რომელსაც იარაღის უსაფრთხოების შემოწმება ევალებოდა.

ბრიტანული სამაუწყებლო კომპანიის ცნობით, ასისტენტი, რომელმა მსახიობს იარაღი მიაწოდა 20 წლისაა და ამ პოზიციაზე პირველად მოუწია მუშაობა.

"სიტყვები არ მყოფნის, რომ გადმოვცე შოკი და მწუხარება ტრაგიკული შემთხვევის გამო", – ეს იყო მსახიობის პირველი კომენტარი უბედური შემთხვევიდან, რომელიც მან "ტვიტერში" დაწერა.

შემთხვევა ნიუ მექსიკოს შტატში, ფილმის გადასაღებ მოედანზე მოხდა. გასროლის შედეგად დაიღუპა ოპერატორი ჰალინა ჰატჩინსი. დაჭრილია ფილმის რეჟისორი ჯოელ სოუზაც. მომხდარზე გამოძიება მიმდინარეობს. თავად ბოლდუინი გამოძიებასთან თანამშრომლობს. მომხდართან დაკავშირებით ამ ეტაპზე დაკავებული არავინ არ არის.

გამოცემის ცნობით, რეალურ ცეცხლსასროლ იარაღს ხშირად იყენებენ გადაღებებში და დატვირთულია ბლანკებით - ვაზნებით, რომლებიც ჭურვის განმუხტვის გარეშე ქმნიან ციმციმს და აფეთქებას.

მსგავსი ტრაგიკული შემთხვევები კინოეკრანებზე ძალზე იშვიათია და ისტორიაში სულ რამდენიმე მაგალითი მოიპოვება. ყველაზე ცნობილი უახლოესი ისტორიიდან გახლავთ, 1993 წელს მომხდარი შემთხვევა, როდესაც ბრენდონ ლი, ბრიუს ლის 28 წლის ვაჟი -  ფილმის The Cro სიკვდილის სცენის გადაღებისას, შემთხვევით მოკლეს.

ასევე დაგაინტერესებთ:

🔵 თალიბებმა სპორტსმენ გოგონას თავი მოჰკვეთეს

🔵 ინდოეთში 70 წლის ქალს პირველი შვილი გაუჩნდა