"2022 წლის იმუნიზაციის გეგმის მიხედვით, ივლისამდე საქართველოს მოსახლეობის 70 პროცენტი უნდა იყოს აცრილი" - თამარ გაბუნია

2022 წლის იმუნიზაციის გეგმის მიხედვით, რომელიც დღეს იმუნიზაციის საბჭომ განიხილა, ივლისამდე საქართველოს სრული მოსახლეობის 70 პროცენტი უნდა აიცრას.

ჯანდაცვის სამინისტრომ გეგმის საბოლოო ვერსია დასამტკიცებლად მთავრობას უნდა წარუდგინოს.

საბჭოს წევრების განცხადებით, მათ შორის განიხილეს იმ ვაქცინების შესყიდვის საკითხი, რომლებიც ახალი შტამების საწინააღმდეგოდ იქმნება.

ივლისის ჩათვლით 70 პროცენტის სრული დოზით აცრას სახელმწიფო საინფორმაციო კამპანიის გაძლიერების და წამახლისებელი ღონისძიებების შედეგად გეგმავს.

„გეგმის ვერსია, რომელიც დღეს ჩვენ განვიხილეთ, ბუნებრივია, მიჰყვება საერთაშორისო რეკომენდაციებს. ჯანმრთელობის მსოფლიო ორგანიზაციის სამიზნე არის, რომ საერთო მოსახლეობის 70% ივლისის თვემდე უნდა იყოს აცრილი.

აქედან გამომდინარე, ჩვენთვისაც სასურველი მიზანი არის, მივყვეთ ჯანმრთელობის მსოფლიო ორგანიზაციის რეკომენდაციებს.

თუმცა, გასათვალისწინებელია ის ფონიც და საჭიროებებიც, რაც „ომიკრონის“ შემდეგ იქმნება.

ამან შესაძლოა, გამოიწვიოს გარკვეული ცვლილებები, როგორც სამიზნეებთან დაკავშირებით, ასევე დეტალებთან დაკავშირებით.

სამიზნე ჯგუფები ვაქცინაციის მიზნეებისთვის მომავალ წელსაც არის იგივე, ეს არის:

მაღალი ასაკის მოსახლეობა, ქრონიკული დაავადების მქონე პირები, სამედიცინო პერსონალი, სხვა ესენციური ჯგუფები, ვისაც აქვს ზოგადად მაღალი რისკი თავისი პროფესიიდან გამომდინარე.

პირველ რიგში, მნიშვნელოვანია ამ ჯგუფების მოცვა.

ასევე, გეგმა აკეთებს აქცენტს ბუსტერ დოზის მნიშვნელობაზე.

გეგმაში ასევე გათვალისწინებულია დღეს შემუშავების პროცესში მყოფი ვაქცინების ბაზარზე გამოჩენის შესაძლებლობა, რომელთაც ექნებათ კიდევ განსხვავებული მახასიათებლები, იქნებიან ადაპტირებული ახალ შტამებთან მიმართებაში, გეგმამ ესეც უნდა გაითვალისწინოს შესყიდვის პროცესში“, – განაცხადა თამარ გაბუნიამ.

სხვა სიახლეები:

🔳 "დიდი წვლილი შეიტანეთ სულიერი ღირებულებების აღორძინებაში" - ილია მეორე რუსეთის პატრიარქს აღსაყდრების იუბილეს ულოცავს

🔳 "ქალბატონო ნანული, რატომ არ მიაბით თქვენს გადაცემას ერეკლე კოდუას სისხლიანი საქმეები? შეეცადეთ იყოთ ობიექტური..."- სამოქალაქო აქტივისტის მიმართვა ნანუკა ჟორჟოლიანს

🔳 "მივმართოთ ხატიას, გახდეს ჩვენი წინამძღოლი" - ნათია ფანჯიკიძე

🔳 რეჯეფ თაიფ ერდოღანი უკრაინაში ჩავიდა

🔳 "ომიკრონის გამოჩენამ გამოიწვია ინფექციების დიდი რაოდენობა, მათ შორის ჯანდაცვის მუშაკებს შორის" - რა ინფორმაციას აქვეყნებს ზაზა წერეთელი

🔳 საქართველოში კორონავირუსის 23 664 ახალი შემთხვევა გამოვლინდა, გამოჯანმრთელდა 8 326 პაციენტი

🔳 "ომიკრონი" იწვევს მეხსიერების პრობლემებს, ასევე "ტარიფის ზრდის შეგრძნებას" და გულისრევას" - ვიკა ბუკია