ალექსანდრე რაქვიაშვილი: ვუყურებთ ჩვენი კოლეგა ოპოზიციონერების ქცევას, როგორც თვითლიკვიდაციას

„ვუყურებთ ჩვენი კოლეგა ოპოზიციონერების ქცევას, როგორც თვითლიკვიდაციას“, - განაცხადა პარტია „გირჩის“ წევრმა ალექსანდრე რაქვიაშვილმა თვითმმართველობის არჩევნების დღეს ოპოზიციის გეგმებზე საუბრისას.

რაქვიაშვილის თქმით, „ნაცმოძრაობა“ თავის თავს ანადგურებს იმ კლოუნადით, რომელსაც მშვიდობიან დამხობას ეძახიან, „ლელო“ უბრალოდ ბულინგის მსხვერპლია, გახარიას პარტია კი „ბელადის გაქცევის შედეგად ახლო მომავალში აღარ იარსებებს“.

„ჩვენ არჩევნებისთვის ვემზადებით, ვემზადებით იმისთვის, რომ 4 ოქტომბერს კარგი შედეგი დავდოთ და დიდი ნაბიჯი გადავდგათ ჩვენი პარტიის გაძლიერების კუთხით. ვუყურებთ ჩვენი კოლეგა ოპოზიციონერების ქცევას, როგორც თვითლიკვიდაციას. ფაქტობრივად, „ნაცმოძრაობა“ თავის თავს ანადგურებს იმ კლოუნადით, რომელსაც მშვიდობიან დამხობას ეძახიან. „ლელო“ უბრალოდ ბულინგის მსხვერპლია, როგორც ყოველთვის, ამიტომ ვერაფერი თქვა, ვერც ერთი პოზიცია დაიცვა, ვერც - მეორე. გახარიებიც, მე მგონი, თავიანთი ბელადის გაქცევის შედეგად ახლო მომავალში აღარ იარსებებენ. საბოლოო ჯამში, მალე, ალბათ, ჩვენ ვიქნებით მთავარი ოპოზიციური პარტია. ეს არ არის მარტივი ამბავი, ამას დიდი რესურსი სჭირდება, მომზადებაც და ამისთვის ვემზადებით“, - განაცხადა ალექსანდრე რაქვიაშვილმა.