დავით ჩიხელიძე: ევროკავშირმა ბოლო ათწლეულის განმავლობაში გენდერული იდენტობის იდეოლოგიის ხელშემწყობი არასამთავრობო ორგანიზაციებისთვის მინიმუმ 221 მილიონი ევრო გამოყო

„ერთ ერთი ბოლო კვლევის მიხედვით, ევროკავშირმა ბოლო ათწლეულის განმავლობაში გენდერული იდენტობის/იდეოლოგიის ხელშემწყობი არასამთავრობო ორგანიზაციებისთვის, მინიმუმ 221 მილიონი ევრო გამოყო“, - ამის შესახებ ექსპერტი დავით ჩიხელიძე სოციალურ ქსელში წერს.

როგორც ჩიხელიძე წერს, ევროკავშირის პოლიტიკის შედეგად ხდება ქალთა და ბავშვთა უფლებების შელახვა.

„MCC Brussels-ის ახალმა მოხსენებამ აჩვენა, რომ რადიკალური გენდერული იდენტობის დღის წესრიგის დამკვიდრებისთვის და საკამათო პოლიტიკის ხელშეწყობისთვის, ევროკავშირის ფონდებიდან 221 მილიონ ევროზე მეტი გამოიყენეს. აგრესიული გენდერული დღის წესრიგი და რადიკალების მიერ განხორციელებული პოლიტიკა საფრთხეს უქმნის ისეთ ფუნდამენტურ საკითხებს, როგორიც არის ქალთა უფლებები, ბავშვთა უფლებების დაცვა და ეროვნულ სუვერენიტეტი. მოხსენების ავტორია

სოციოლოგ ეშლი ფროული, ეს არის პირველი ყოვლისმომცველი გამოკვლევა იმის შესახებ, თუ როგორ აყალიბებდა არასამთავრობო ორგანიზაციების მცირე, მაგრამ ძლიერი ქსელი ევროკავშირის გენდერულ პოლიტიკას.

კვლევის ძირითადი მიგნებები:

▪️ევროკავშირმა ბოლო ათწლეულის განმავლობაში გენდერული იდენტობის იდეოლოგიის ხელშემწყობი არასამთავრობო ორგანიზაციებისთვის მინიმუმ 221 მილიონი ევრო გამოყო

▪️40,5 მილიონი ევრო გამოიყო, ტრანსგენდერთა ადვოკატირების ყველაზე რადიკალურ ჯგუფებზე

▪️64,95 მილიონი ევრო გამოიყო მხოლოდ ILGA-ისთვის მთელ მსოფლიოში, (გენდერული იდენტობის ადვოკატირების წამყვანი ჯგუფი)

ძირითადი ბენეფიციარები მოიცავს:

▪️ILGA-Europe (16 მილიონი ევრო, პლუს 65 მილიონი ევრო მის საერთაშორისო ჯგუფს)IGLYO (€6 მილიონი)

▪️ტრანსგენდერი ევროპა (TGEU) (4,6 მილიონი ევრო)

▪️ცენტრალური აზიის ლესბოსელების საზოგადოება (6.2 მილიონი ევრო)

▪️ორგანიზაცია Intersex International Europe (€1.2 მილიონი)

მინიმუმ 26 მილიონი ევრო გამოიყენეს აქტივისტებზე ორიენტირებული კვლევის დასაფინანსებლად, რომელიც ხელს უწყობს გენდერული იდენტობის იდეოლოგიას.

არასამთავრობო ორგანიზაციებს ფარული გავლენა აქვთ ევროკავშირის პოლიტიკაზე, ისინი ახდენენ კანონების ინიციირებას ან გარკვეული ჯგუფების მიერ, საკუთარი ინიციატივების ლობირებას.

აქტივისტები აყალიბებენ ევროკავშირის კანონებს: არასამთავრობო ორგანიზაციებმა პირდაპირი როლი ითამაშეს ევროკავშირის გენდერული პოლიტიკის შემუშავებაში, ხშირად მოქმედებენ საჯარო გამჭვირვალობის გარეშე. სწორედ არასამთავრობო ორგანიზაციების აქტიური ჩარევით, ევროკავშირმა ოფიციალურად მიიღო სტრატეგია ბავშვების თვითიდენტიფიკაციის შესახებ.

სახელმწიფოს კომპეტენციებში ჩარევა:

არასამთავრობო ორგანიზაციები იყენებენ ევროკავშირის დაფინანსებას ეროვნულ მთავრობებზე ზეწოლისთვის, რათა მიიღონ გენდერული იდენტობის კანონები, ეროვნული სუვერენიტეტის გვერდის ავლით. მნიშვნელოვანია ვიცოდეთ, რომ არასამთავრობო ორგანიზაციებს არ აქვთ მოსახლეობის ფართო ლეგიტიმაცია, როგორც ეს სახელმწიფოების საკანონმდებლო ორგანოს წევრების შემთხვევა, რეალურად ისინი ადამიანთა მცირე ჯგუფის ინტერესებს ატარებენ და არა ეროვნულ ინტერესებს, როგორც მათ ამის წარმოჩენა სურთ.

არასამთავრობო ორგანიზაციების წარმომადგენლები ითხოვენ, რომ ბავშვებში გენდერული ცვლილებები მშობლებისთვის დამალული იყოს.

ანგარიშები მიუთითებენ, რომ პორტუგალიაში სკოლებს შეუძლიათ ხელი შეუწყონ ბავშვის იდენტობის თვითგამორკვევას, მშობლების ჩართულობის გარეშე.

სამწუხაროდ, ევროპის მრავალ ქვეყანაში ლგბტქი-ინკლუზიური სავალდებულო სასწავლო გეგმები მშობლების შეშფოთების მიუხედავად ხორციელდება.

ფინანსდება ისეთ კვლევები სადაც ბიოლოგიური მამაკაცი(მამაკაცურობა) დემოკრატიის საფრთხედ არის მიჩნეული ჰორიზონტი ევროპა აფინანსებს იდეოლოგიურ პროექტებს, მათ შორის: („MEN4DEM“, 3 მილიონი ევროს მქონე კვლევა)

ევროკავშირის პოლიტიკის შედეგად ხდება ქალთა და ბავშვთა უფლებების შელახვა, მათი ეროზია და სტაგნაცია, ქალებისა და გოგონების დასაცავად თავდაპირველად შემუშავებული პოლიტიკა შეიცვალა გენდერული იდენტობის პოლიტიკამ, მოხდა იურიდიული ტერმინების ხელახალი განმარტება: „ქალთა მიმართ ძალადობიდან“ „გენდერულ ძალადობაზე“ გადასვლა, რაც ამცირებს ბიოლოგიურად მდედრობითი სქესის დაცვას.

სასკოლო პროგრამები დიდ ზიანს აყენებს ბავშვთა ფსიქიკას, რომელიც ილუზიაში ცხოვრობს და სრულად არის მოწყვეტილი რეალობას“, - წერს ჩიხელიძე.