დავით მათიკაშვილი: დებატი არის დემოკრატიული საზოგადოებისთვის აუცილებელი სეგმენტი, რომელიც ძალმომრეობით იყო მედიასაშუალებიდან ამოგლეჯილი გვარამიების და მათი მხარდამჭერების მიერ

დებატი ეს არის ის დემოკრატიული საზოგადოებისთვის აუცილებელი სეგმენტი, რომელიც ძალმომრეობით იყო მედიასაშუალებიდან ამოგლეჯილი გვარამიების და მათი მხარდამჭერი მედია საშუალებების მიერ და აუცილებელია პრემიერის ინიციატივის განხორციელება, - განაცხადა პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა.

მათიკაშვილის თქმით, ოპოზიცია გაურბის დებატებში მონაწილეობას, რადგან მათმა მხარდამჭერებმა არ გაიგონ სიმართლე, რომელიც რეალურად არსებობს.

„ის მხარე, რომელიც რაღაც კონკრეტულ წინაპირობებს და მოთხოვნებს აყენებს დებატების გამართვის ჭრილში, უკვე საკუთარ თავს ამჟღავნებს, რომ ისინი გაურბიან დებატებს და არ სურთ მონაწილეობის მიღება, რადგან რადიკალების იმ ერთმა მუჭა მხარდამჭერებმა, თუკი ასეთებიც დარჩნენ, არ გაიგონ ის სიმართლე, რომელიც რეალურად არსებობს“, - აღნიშნა დავით მათიკაშვილმა.

საჯარო სივრციდან გამქრალი დებატები, პრემიერის ინიციატივით ისევ ბრუნდება. „ქართული ოცნება“ პოლიტიკურ ოპონენტებს საზოგადოებისთვის აქტუალურ თემებზე დისკუსიისთვის იწვევს. მმართველ გუნდს მიაჩნია, რომ სალაპარაკო ბევრია და სწორედ დებატებმა უნდა დაასრულოს პოლარიზება ქვეყანაში. რადიკალებიკი დებატებში მონაწილეობას გაურბიან.