დიმიტრი ხუნდაძე: ხდება უფრო დიდი გადანაწილება, არის უფრო დიდი საფრთხეები, ვფიქრობ ასეთი სიმპტომური დამოკიდებულება „ქართულ ოცნებას“ არ წაადგება

ხდება უფრო დიდი გადანაწილება, არის უფრო დიდი საფრთხეები, ვფიქრობ ასეთი სიმპტომური დამოკიდებულება „ქართულ ოცნებას“ არ წაადგება, დასაფიქრებელია დიდ პოლიტიკურ სცენაზე საქართველო რა ნაბიჯებს გადადგმას, - განაცხადა გადაცემაში “იმედი Live” საპარლამენტო ჯგუფის „ხალხის ძალის“ თავმჯდომარემ დიმიტრი ხუნდაძემ.

მისივე თქმით, „ქართული ოცნება“ უშვებს შეცდომებს, თუმცა „ხალხის ძალის“ ლიდერი აღიარებს იმასაც, რომ მხოლოდ თავისი პოზიციონირება არ იქნებოდა საკმარისი ომის საფრთხის თავიდან ასაცილებლად.

„ოცნება შეცდომებს უშვებს, რა თქმა უნდა მხოლოდ ჩვენი პოზიციონირება არ იქნებოდა საკმარისი, რომ ომის საფრთხე თავიდან აგვეცილებინა, ჩვენი მეტი სიმართლე არ იქნებოდა საკმარისი „ქართულ ოცნებას“ რომ სწორი პოლიტიკა არ ეწარმოებინა, მაგრამ ამ ახალ გეოპოლიტიკურ საფრთხეებს სჭირდება უფრო მეტი უსაფრთხოება, უფრო მეტი ფიქრი საკუთარი ქვეყნის უსაფრთხოებაზე და ვფიქრობ, რომ საჭიროა შიდა პოლიტიკური სიმყარე იყოს უფრო მეტი, შიდა უსაფრთხოებაზე ვიზრუნოთ და უფრო მეტად პრინციპულები ვიყოთ, სწორად შევაფასოთ რაც დღეს ხდება, ხდება უფრო დიდი გადანაწილება, არის უფრო დიდი საფრთხეები, ვფიქრობ, ასეთი სიმპტომური დამოკიდებულება „ქართულ ოცნებას“ არ წაადგება. დასაფიქრებელია დიდ პოლიტიკურ სცენაზე საქართველო რა ნაბიჯებს გადადგმას“, - განაცხადა დიმიტრი ხუნდაძემ.