„გენადი ბესტაევს ვასვენებთ... ქოცხელისუფლებავ, თქვენ ამ ქვეყნის ლეგიტიმური მთავრობა არ ხართ“ - რას წერს დავით ქაცარავა

„გენადი ბესტაევს ვასვენებთ... ქოცხელისუფლებავ, თქვენ ამ ქვეყნის ლეგიტიმური მთავრობა არ ხართ“ - ამის შესახებ ინფორმაციას და ვიდეომასალას სამოქალაქო აქტივისტი დავით ქაცარავა სოციალურ ქსელში ავრცელებს.
 
„გენადი ბესტაევს ვასვენებთ...

ადამიანს, რომელიც საოკუპაციო რეჟიმმა მოკლა - მომაკვდავი მოგვიგდო ორწლიანი პატიმრობის შემდეგ...

ჯერ კიდევ მაშინ, როდესაც გენადი ცხინვალის ციხეში იჯდა, ხელისუფლება მაქსიმალურად თავს არიდებდა თუნდაც განცხადების გაკეთებისგან...

3 თვეა რაც მომაკვდავი გენადი ბესტაევი დავიბრუნეთ და ფაქტობრივად ერთი განცხადებაც კი არ გაუკეთებია ამ ხელისუფლებას...

ერთი სამძიმარი არ უთქვამთ ოფიციალურ პირებს..

თქვენ, ქოცხელისუფლებავ, თქვენ ამ ქვეყნის ლეგიტიმური მთავრობა არ ხართ.

თქვენ არ იცით, რა არის ხალხზე ზრუნვა, თქვენი მერკანტილური ინტერესები თქვენთვის ყველაზე მნიშვნელოვანია...

რომ მიგესამძიმრებინათ ამ ოჯახისთვის, აქაც გაგიბრაზდებოდნენ თქვენი შეფები კრემლიდან?

თქვენს საქციელს რა ჰქვია, ამას ხალხი აუცილებლად გეტყვით..“ , - წერს დავით ქაცარავა ფეისბუკის საკუთარ გვერდზე.

ცნობისთვის, 53 წლის გენადი ბესტაევი ცხინვალიდან თბილისის მიერ კონტროლირებად ტერიტორიაზე 16 ნოემბერს, გვიან ღამით გადმოიყვანეს. ბესტაევი ოკუპანტებმა ციხეში სასტიკად აწამეს. მას შემდეგ, რაც 15 ნოემბერს ინსულტი განუვითარდა, ის ჯერ ცხინვალის საავადმყოფოში, მოგვიანებით კი თბილისში გადმოიყვანეს.

გენადი ბესტაევი რუსმა სამხედროებმა სოფელ ზარდიაანთკარიდან 2019 წლის 19 ნოემბერს გაიტაცეს. დე ფაქტო რეჟიმმა მას სამი წლით პატიმრობა მიუსაჯა.

ასევე საინტერესოა:

🔵 „საჭიროების შემთხვევაში, ოკუპირებული აფხაზეთი მზად არის, დონბასს სამხედრო და ჰუმანიტარული დახმარება გაუწიოს“ - დე ფაქტო პრეზიდენტი

🔵 „...მეგობარი გასაჭირში მიატოვეთ ყოჩაღ თქვენ და ყოჩაღ თქვენი ქველმოქმედება და ქართველობა!“ - ემზარ კვიციანი ბიძინა ივანიშვილთან მიმოწერას ასაჯაროებს

🔵 „აგერ ახლა სვანურში ქალ-კაცაც აცეკვეს, რაც იმას ნიშნავს, რომ ქორეოგრაფი არც მოცეკვავეა, არც ქართველი! უფრო ქვეყნის მტერი მგონია!“- ემიგრანტი საფრანგეთიდან