„იმდენი ქართული სისხლი დაღვარა სააკაშვილმა, ის არ არის სიცოცხლის ღირსი“ - მოკლული ბუტა რობაქიძის მამა

„იმდენი ქართული სისხლი დაღვარა სააკაშვილმა, ის არ არის სიცოცხლის ღირსი, ღმერთი ალბათ გადაუხდის სამაგიეროს, მე არ ვამბობ, რომ ვიღაცამ უნდა მოკლას“, - ამის შესახებ ბუტა რობაქიძის მამამ, „მედიაჰოლდინგ კვირაში“ გამართულ ბრიფინგზე განაცხადა.

მას მიაჩნია, რომ სააკაშვილი ციხეში კი არა მთელი ცხოვრება საგიჟეთში უნდა იყოს.

„მიშას დედას რა უფლება აქვს როდესაც საუბრობს, კობა დავითაშვილს მშობლები არ ჰყავდა? არ იყო შვილი როცა კლავდნენ? ცინდელიანს დედ-მამა არ ჰყავდა საფლავიც რომ არ არსებობს მისი? ალასანიას უკლავენ შვილს თვალწინ? ჩვენ არ მოგვიკლეს? იმდენი ქართული სისხლი დაღვარა სააკაშვილმა, რომ ის არ არის სიცოცხლის ღირსი, ღმერთი, ალბათ, გადაუხდის სამაგიეროს, მე არ ვამბობ, რომ ვიღაცამ უნდა მოკლას“, - აცხადებს სოსო რობაქიძე.

ბუტა რობაქიძის მამას ციხეში შესვლა და სააკაშვილის ნახვა სურს.  

„ის რომ ადამიანი ციხეში არ უნდა მოკვდეს და იქ არავინ უნდა მოკლას, ამაზე „ნაციონალური მოძრაობის“ წევრები რომ გველაპარაკება თითქოს იგივეს თავად არ აკეთებდნენ. მინდა მოვუწოდო ყველას, გამოდით, ჩამოვიდეს ცინდელიანის დედა, ჩამოდით მშობლები და ვაჩვენოთ რამდენი ვართ, იმაზე 10-ჯერ მეტი ვიდრე „ნაციონალური მოძრაობის“ მიტინგზე მიდის ხალხი. ვინც ცოცხლები ვართ დარჩენილი, ვინც არის ციხეში გაუბედურებული შვილების მშობლები გამოვიდეთ და დედამისმა გაგვცეს პასუხი, თუნდაც ტელევიზიით. მე მინდა ახლა მიშასთან შესვლა, როგორც ერთი დაზარალებული შემახვედრეთ, მე უნდა ვნახო სააკაშვილი და სიმართლეს გამოვიტან შიმშილობს თუ არა. რისი მოშიმშილეა ეგ მეორე, მესამე პირი რომ ჰქონდეს ყველგან ჩაიყრის საჭმელს“, - განაცხადა რობაქიძემ.

19 წლის ბუტა რობაქიძე  2004 წელს მოკლეს.

ბუტა რობაქიძის საქმეზე სამსახურებრივი უფლებამოსილების ბოროტად გამოყენებაში ბრალდებული შინაგან საქმეთა სამინისტროს ყოფილი მაღალჩინოსნები ირაკლი ფირცხალავა, გურამ დონაძე, ზაზა ბაქრაძე, ზურა მიქაძე და დავით იაშვილი თბილისის საქალაქო სასამართლომ 2018 წლის 18 დეკემბერს დამნაშავედ ცნო.

დიდუბის ეკლესიასთან, ბუტა რობაქიძის მკვლელობის ადგილას მემორიალი 2018 წელს გაიხსნა. 

მსგავსი თემები:

🔵„სალუტ, ბატონო პრეზიდენტო!“ - ემიგრაციაში მყოფი ქართველი ექიმი

🔵“მიშა სააკას ჯანმრთელობაზე რომ ფიქრობთ, პატრიარქის ჯანმრთელობას გაუფრხილდით” - ანთიმოზ ივერილი