ლევან მაჭავარიანი: ევრობიუროკრატები ცდილობენ, ვიზალიბერალიზაციის შანტაჟის მექანიზმად გამოყენებით ქაოსური ფონი შექმნან, რომ იქნებ დაძაბულობა იქამდე მივიდეს, რევოლუცია მოხდეს ქვეყანაში

 „ევრობიუროკრატები ცდილობენ, ვიზალიბერალიზაციის შანტაჟის მექანიზმად გამოყენებით მეტი აჟიოტაჟი შემოიტანონ საზოგადოებაში და იქნებ დაძაბულობა იქამდე მივიდეს, რევოლუცია მოხდეს ქვეყანაში“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

როგორც დეპუტატი აღნიშნავს, ევრობიუროკრატები ცდილობენ, „ქართული ოცნება“ ჩამოაშორონ ხელისუფლებას.

„იქიდან გამომდინარე, რომ ეს ომი კიდევ იწელება და არავის იმის პროგნოზი არ შეუძლია, თუ როდის შეიძლება დასრულდეს  ეს ომი და მიუხედავად იმისა, რომ ბატონ ტრამპს ბევრი მცდელობა ჰქონდა ამ ომის შესაჩერებლად, ჯერჯერობით ეს ყველაფერი არ გამოსდის, აქედან გამომდინარე ის ინტერესი, რა ინტერესიც საქართველოს მიმართ არსებობდა, ეს ინტერესი არსად გამქრალა და პირიქით.

შესაბამისად, ევრობიუროკრატები ცდილობენ, ამ შემთხვევაში უკვე ვიზალიბერალიზაციის შანტაჟის მექანიზმად გამოყენებით მეტი აჟიოტაჟი შემოიტანონ საზოგადოებაში. რაღაც ქაოსური ფონი შექმნან, იქნებ დაძაბულობა იქამდე მივიდეს, რევოლუცია მოხდეს ჩვენს ქვეყანაში და „ქართული ოცნება“ ჩამოაშორონ ხელისუფლებას, ვინაიდან უკვე სამწელნახევარზე მეტი გავიდა და დარწმუნდნენ ევრობიუროკრატები, რომ „ქართულ ოცნებას“ ჩვენი ქვეყნის საწინააღმდეგო ნაბიჯს ვერ გადაადგმევინებენ“, - აღნიშნავს მმართველი გუნდის დეპუტატი.