ლევან მაჭავარიანი ოპოზიციაზე: რეალურად, რა თქმა უნდა, ისინი ერთმანეთთან დაპირისპირებულები არიან და ვერ იტანენ ერთმანეთს, მათი რეიტინგი განახევრებულია

„თუ ოპოზიცია გარე ინსტრუქციას მიიღებს, რომ არჩევნებში მონაწილეობა უნდა მიიღონ, მათ აუცილებლად მოუწევთ არჩევნებში მონაწილეობა“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

მისი თქმით, ოპოზიციაზე რომ იყოს დამოკიდებული არჩევნებში მონაწილეობა არ მონაწილეობის საკითხი, ისინი მონაწილეობას არ მიიღებდნენ, რადგან იციან, რომ მათი რეიტინგი ყველაზე კარგ შემთხვევაში განახევრებულია.

„რეალურად, რა თქმა უნდა, ისინი ერთმანეთთან დაპირისპირებულები არიან და ვერ იტანენ ერთმანეთს. არამხოლოდ ეს 4 პარტია - „კოლექტიური ნაცმოძრაობა“ ცალ-ცალკე, არამედ უშუალოდ ამ პარტიებში შემავალი წევრების ძალიან დიდი ნაწილიც.

ამის ყველაზე თვალსაჩინო მაგალითი არის ის, რომ მაგალითად, ბატონი ხაზარაძე და ბატონი ელისაშვილი დააჯგუფეს, ან ქალბატონი ზურაბიშვილი, რომელიც ნაგინები ჰყავს ფაქტობრივად მთელს ოპოზიციას.

გარე დავალება მიიღეს და მოუწიათ ასეთი დაჯგუფება. შესაბამისად, მათზე რომ იყოს დამოკიდებული ამ გადაწყვეტილების მიღება, თავისთავად ისინი ამ არჩევნებში მონაწილეობას არ მიიღებდნენ, რადგან იციან, რომ მათი რეიტინგი ყველაზე კარგ შემთხვევაში არის განახევრებული. თუ ინსტრუქცია იქნება, უნდა მიიღონ არჩევნებში მონაწილეობა, აუცილებლად მოუწევთ ამ არჩევნებში მონაწილეობა“, - აღნიშნავს მმართველი გუნდის დეპუტატი.