ლევან მაჭავარიანი: ყველაფერი ამხილა აშშ-ის დღევანდელმა ადმინისტრაციამ, რომელმაც ფაქტებით დაადასტურა, თუ როგორ მოქმედებდნენ USAID-ი ან NED-ი „ენჯეობის“ მეშვეობით სხვადასხვა ქვეყანაში ქაოსის შესატანად, რევოლუციების მოსაწყობად

„ჩვენთანაც ძალიან ბევრი მაგალითი შეიძლება, გავიხსენოთ ე.წ მდიდარი „ენჯეოები“ როგორ ერეოდნენ ჩვენი ქვეყნის პოლიტიკური დღის წესრიგში, როგორ იდგნენ რევოლუციური სცენარების განვითარების ავანგარდში“, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.

მაჭავარიანი პრემიერის მიერ გრანტების მართვის სააგენტოს დახურვაზე გაკეთებულ განცხადებას გამოეხმაურა.

„ყველაფერი ამხილა აშშ-ის დღევანდელმა ადმინისტრაციამ, რომელმაც ფაქტებით და მტკიცებულებებით დაადასტურა ის, თუ როგორ მოქმედებდნენ მაგალითად USAID-ი ან NED-ი „ენჯეობის“ მეშვეობით სხვადასხვა ქვეყანაში ქაოსის შესატანად, რევოლუციების მოსაწყობად.

ჩვენთანაც ძალიან ბევრი მაგალითი შეიძლება, გავიხსენოთ ე.წ მდიდარი „ენჯეოები“ როგორ ერეოდნენ ჩვენი ქვეყნის პოლიტიკურ დღის წესრიგში, როგორ იდგნენ რევოლუციური სცენარების განვითარების ავანგარდში, რა ტიპის შეურაცხმყოფელ კამპანიებს აწარმოებდნენ, მაგალითად საპატრიარქოსა და უწმინდესის წინააღმდეგ, როგორ ლობირებდნენ სხვადასხვა კამპანიით ლგბტ დღის წესრიგის ნორმალიზებას საქართველოში.

მსგავსი ბევრი რამ შეგვიძლია, გავიხსენოთ, რომელიც აბსოლუტურად არც ერთი არ შეესაბამებოდა ჩვენი ქვეყნის ეროვნულ ინტერესებს“, - აღნიშნა ლევან მაჭავარიანმა.