მაჭავარიანი უკრაინის ევროკავშირში გაწევრიანების შესახებ კოსის განცხადებაზე: ვისაც საერთოდ არანაირი ფორმით პროტესტი არ გამოგიხატავთ ამ ყველაფერთან დაკავშირებით და ამტკიცებთ, რომ უკრაინის ბედი გადარდებთ

„მოგმართავთ მათ, ვინც აქციებს გვიწყობდით, ქვეყანაში გადატრიალება გინდოდათ და დღემდე გინდათ, იმის გამო, რომ რაც თქვენ უკრაინასთან დაკავშირებით გატყუეს და რა ზღაპრებიც დაგაჯერეს, ჩვენ არ დავიჯერეთ. ერთი პოსტით მაინც თუ გამოეხმაურეთ ამდენ უსამართლობას?!“ - ამის შესახებ ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი სოციალურ ქსელში წერს, რითაც ის ეხმაურება უკრაინის ევროკავშირში გაწევრიანების შესახებ მარტა კოსის განცხადებას.

„უკრაინა მოატყუეს, რომ დაჩქარებული წესით ნატოს წევრი გახდებოდა. უკრაინა მოატყუეს, რომ დაჩქარებული წესით ევროკავშირის წევრი გახდებოდა. უკრაინა მოატყუეს, რომ გაყინულ რუსულ აქტივებს გადასცემდნენ. უკრაინა მოატყუეს, რომ დასავლეთის დახმარებით რუსეთს დაამარცხებდნენ.

მოგმართავთ მათ, ვინც აქციებს გვიწყობდით, ქვეყანაში გადატრიალება გინდოდათ და დღემდე გინდათ, იმის გამო, რომ რაც თქვენ უკრაინასთან დაკავშირებით გატყუეს და რა ზღაპრებიც დაგაჯერეს, ჩვენ არ დავიჯერეთ. ერთი პოსტით მაინც თუ გამოეხმაურეთ ამდენ უსამართლობას?! ვისაც საერთოდ არანაირი ფორმით პროტესტი არ გამოგიხატავთ ამ ყველაფერთან დაკავშირებით და ამტკიცებთ, რომ უკრაინის ბედი გადარდებთ - თქვენ ხართ მხოლოდ ტრენდს აყოლილი ფარისევლები.

უკვე მართლა დროა, უბრალოდ აზროვნება დაიწყოთ“, - წერს მმართველი გუნდის დეპუტატი.