„მინდა, ეს დღე მივულოცო ქართული თეატრის ყველა მსახურსა და მოყვარულს“ - თეა წულუკიანი

„მინდა, ეს დღე მივულოცო ქართული თეატრის ყველა მსახურსა და მოყვარულს“, - ასე ულოცავს საქართველოს კულტურის მინისტრი თეა წულუკიანი, ქართული თეატრის დღეს საზოგადოებას.

„14 იანვარი ქართული თეატრის დღეა.

მინდა, ეს დღე მივულოცო ქართული თეატრის ყველა მსახურსა და მოყვარულს.

ჩვენი სახელოვანი წინაპრები ამ თარიღს ახალ წელსა და ბედობას, ალბათ, შემთხვევით არ დაუკავშირებდნენ.
მინდა, მხოლოდ სიკეთისა და წარმატებების დაბედება გისურვოთ.

„ხელოვნების მიზანი უბრალოა - მიანიჭოს ადამიანს სიხარული, შთაბეროს მას მხნეობა.“

ვინ ვინ და ამ სიტყვების ავტორმა, დიდმა კოტე მარჯანიშვილმა, ყველაზე უკეთ იცოდა, თუ რა ძნელად მისაღწევი იყო ეს „უბრალო“ მიზანი.

დღეს, პანდემიისა და სხვა არანაკლებ სერიოზულ გამოწვევათა პირობებში, ეს მიზანი კიდევ უფრო გართულებულია.
ამიტომაც დღეს კიდევ უფრო აქტუალურია ცნობილი სიტყვები, რომელთაც, ვერიკო ანჯაფარიძის მოწმობით, თავის მოწაფეებს კოტე მარჯანიშვილი მუდმივად უმეორებდა: „გვიყვარდეს ხელოვნება საკუთარ თავში და არა საკუთარი თავი ხელოვნებაში.“

ასეთ სიყვარულსა და დიდ შემოქმედებით წარმატებებს გისურვებთ...“, - წერს მინისტრი ფეისბუკის საკუთარ გვერდზე.

ასევე საინტერესოა:

🔵 ჭოლა, როგორც აქამდე, ახლაც მიიღებს მონაწილეობას კონკურსში - მარჯანიშვლის თეატრი

🔵 ლევან წულაძე მარჯანიშვილის თეატრის სამხატვრო ხელმძღვანელის პოზიციიდან გაათავისუფლეს

🔵 დედამიწას დიდი ასტეროიდი უახლოვდება