მოთხოვნა, რომელიც ტექნიკურ მთავრობას ეხება, საერთოდ ბუნდოვანია, ვინ ნიშნავს მთავრობას? - იაგო ხვიჩია

მოთხოვნა, რომელიც ტექნიკურ მთავრობას ეხება, საერთოდ ბუნდოვანია, ვინ ნიშნავს მთავრობას, – ამის შესახებ პარტია „გირჩის“ ლიდერმა, იაგო ხვიჩიამ საქართველოს პირველი არხის ეთერში განაცხადა.

„30 წელია, ვცდილობთ, სახალხო მთავრობა გვყავდეს, ხალხის ინტერესების გამტარებელი, ამას 30 წლის განმავლობაში ვერ მივაგენით და ახლა უბრალოდ, რა ცოდნა არსებობს ისეთი „სირცხვილია“, თუ სხვა ორგანიზატორებში, რომ მათ შეუძლიათ საკუთარ თავზე აიღონ პასუხისმგებლობა და ასეთ რთულ, გარდამტეხ დროს ტექნიკური მთავრობა შექმნან? ვფიქრობ, ბევრად უფრო გასაგები უნდა იყოს იდეა, სინამდვილეში რისთვის აწუხებ ამ ადამიანებს“, – განაცხადა ხვიჩიამ.

მისი თქმით, არჩევნები არის ერთადერთი საშუალება, რომელიც არსებულ ტოქსიკურ მდგომარეობას უშველის და ამისთვის საჭიროა, პოლიტიკოსებმა კონსტიტუციის შეცვლაზე იმუშაონ.

„ჯერ უნდა მივიღოთ საკონსტიტუციო ცვლილებები, სადაც არჩევნებისთვის უნდა მოვემზადოთ და შემდეგ უნდა იყოს არჩევნები. ახალი არჩევნები არის ერთადერთი საშუალება, რომელიც ჩვენს ტოქსიკურ მდგომარეობას უშველის, რაც მთელ ქვეყანაში არსებობს, რის გამოც ერთმანეთს ვერ ველაპარაკებით და, რის გამოც გვაქვს უამრავი პრობლემა. ერთ დღეში ეს არ გამოვა, ამაზე სამუშაოა, მაგრამ თუ რამეზე უნდა იყოს საპროტესტო მუხტი, უნდა იყოს არა ღარიბაშვილის გადადგომაზე, ან რაღაც „ენჯეოშნიკებიდან“, ან ვიღაცებისგან შემდგარი ტექნიკური მთავრობის დაკომპლექტებაზე, რომელიც არაფერ შუაში არ არის, არამედ იმაზე, რომ მოდით, ხალხს მივცეთ საშუალება, თვითონ დააკომპლექტოს მათი მოსაწონი კონფიგურაცია. ერთადერთი, რაც მოქმედმა პოლიტიკურმა სპექტრმა ახლა შეგვიძლია, გავაკეთოთ, არის ის, რომ კონსტიტუცია შევცვალოთ“, – განაცხადა ხვიჩიამ.

ასევე დაგაინტერესებთ:

🔵უკრაინაში დაღუპული ალუდა ზვიადაური მშობლიურ სოფელში გადაასვენეს

🔵ღარიბაშვილი უნდა გადადგეს პრემიერად დაინიშნოს თეა წულუკიანი - მამუკა ღლონტი

🔵მდინარე რიონი ადიდდა და გზის სავალ ნაწილზეა გადმოსული, სოფელ უწერასთან ტრანსპორტის მოძრაობა დროებით აკრძალულია