ნიკოლოზ სამხარაძე: ევროპარლამენტმა თავისი ახალი რეზოლუციით კიდევ ერთხელ დაამტკიცა, რომ ქართველი ხალხის სუვერენიტეტს არ აღიარებს, საკუთარი ხელისუფლება დამოუკიდებლად აირჩიოს

ევროპარლამენტმა თავისი ახალი რეზოლუციით, კიდევ ერთხელ დაამტკიცა თავისი უგუნური გადაწყვეტილება, რომ თურმე, ქართველი ხალხის სუვერენიტეტს არ აღიარებს, საკუთარი ხელისუფლება დამოუკიდებლად აირჩიოს, - ამის შესახებ პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ განაცხადა.

მისი თქმით, ბევრად არ ჩამორჩება რუსეთის გადაწყვეტილებას, რომელიც საქართველოს ტერიტორიულ მთლიანობას არ აღიარებს.

„ძალიან მძიმე დარღვევა, როგორც საერთაშორისო სამართლის პრინციპების, ასევე ქვეყნის სუვერენიტეტის. პრინციპში, შეიძლება, ვთქვათ, რომ ბევრად არ ჩამორჩება რუსეთის გადაწყვეტილებას, რომელიც საქართველოს ტერიტორიულ მთლიანობას არ აღიარებს. ეს არის ძალიან მძიმე გადაწყვეტილება. ამის შესახებ საუბარი გვქონდა ევროკავშირის წევრ სახელმწიფოებში. დღითი დღე, ეს გადაწყვეტილებები სულ უფრო უგუნურ ხასიათს იღებს.

კითხვა ჩნდება, ვის ინტერესებში მოქმედებს ევროპარლამენტი და ის ადამიანები, რომლებიც ამ რევოლუციას ხმას აძლევენ, რადგან თუ აქამდე ოთხი სახელმწიფო იყო, რომლებიც რუსეთის გარდა, საქართველოს სუვერენიტეტს ხელყოფნდნენ, ახლა, მათ ევროპული პარლამენტიც დაემატა“, - აღნიშნა ნიკოლოზ სამხარაძემ.