პაპუაშვილი უკრაინის დელეგაციაში ყოფნას ყველა ოპოზიციურ ჯგუფს სთავაზობს

პარლამენტში მყოფ ყველა ოპოზიციურ ჯგუფს სთავაზობს უკრაინის დელეგაციაში ჩასმას საქართველოს პარლამენტის თავმჯდომარე, შალვა პაპუაშვილი. ამის შესახებ პაპუაშვილმა საქართველოს პარლამენტის ბიუროს სხდომაზე ისაუბრა.

„ჩემი სურვილი იყო, რომ პარლამენტის თავმჯდომარის დელეგაცია ყოფილიყო მრავალპარტიული - გვქონდა საუბარი ოპოზიციის წარმომადგენლებთან. შეთავაზება გვქონდა, თანაბარი წარმომადგენლობა ყოფილიყო, თუმცა, არ იყო თანხმობა და შემდეგ, კვლავ შევთავაზეთ, რომ თითო პოლიტიკური ჯგუფიდან იყოს თითო წარმომადგენელი.

მართალია, ამ შემთხვევაში, უმრავლესობამ თანხმობა განაცხადა, რომ თავის მხრივ, არ გაიზარდოს წარმომადგენლობა, თანაბრობის პრინციპი ამ შემთხვევაში დაირღვევა და ოპოზიციური უმრავლესობის დელეგაცია იქნება, თუმცა, გამომდინარე ამ ვითარებიდან, ეს შეთავაზება, ვფიქრობ, სწორი იყო ", - აღნიშნავს პარლამენტის თავმჯდომარე. 

პაპუაშვილის განცხადებით, ახლა ორგანიზაციულ საკითხებს არკვევენ და ყველა ოპოზიციურ ჯგუფს სთხოვს, მიაწოდოს იმ პოლიტიკოსის ვინაობა, ვისი ჩასმაც სურთ უკრაინის დელეგაციაში:

„მექნება კომუნიკაცია ყველა პოლიტიკურ ჯგუფთან, ვინაიდან ორგანიზაციულად გვესმის ყველას, რომ არ არის ადვილი ამ ვიზიტის ორგანიზება, არის საკმაოდ საჩქარო საკითხი“, - თქვა პაპუაშვილმა.

გუშინ, 13 აპრილს ოპოზიციასთან გამართული კონსულტაციების შემდეგ საქართველოს პარლამენტის თავმჯდომარემ შალვა პაპუაშვილმა განმარტა, რომ უკრაინაში ვიზიტს მიმდინარე კვირის განმავლობაში აპირებს და მისი დელეგაციის შემადგენლობაში ოპოზიცია არ იქნებოდა.

როგორც მან თქვა, ოპოზიციას დელეგაციაში სამი დეპუტატის შეყვანა შესთავაზა, რაზედაც უარი მიიღო. 

პაპუაშვილთან შეხვედრის შემდეგ ოპოზიციის წარმომადგენლები ლაპარაკობდნენ უკრაინაში ცალკე ვიზიტის დაგეგმვის შესახებ.

ასევე საინტერესოა:

🔵  „2006 წელს ვთქვი - რუსეთის ბაზარი იმდენად უხარისხოა, ფეკალიები რომ შეიტანო ისიც კი გაიყიდება მეთქი და ჯვარს მაცვეს“ - რას წერს ირაკლი ოქრუაშვილი

🔵 დასავლეთში 0, -1, აღმოსავლეთში -1, -3, ხოლო მთიან რეგიონებში -2, -7 გრადუსამდე - როგორი ამინდია მოსალოდნელი 14-16 აპრილს საქართველოში

🔵  „ჰო, ჩვენ უკრაინის ქალაქ ბუჩაში ავაშენებთ საბავშვო ბაღს!ავაშენოთ ჩვენ, ქართველმა ხალხმა“ - გიგა მაქარაშვილი ინიციატივით გამოდის