რატი იონათამიშვილი: საკონსტიტუციო სასამართლოში აგენტურული ოპოზიციის ლუსტრაცია ხდება, აღიარებას ახდენენ, რატომ არიან ანტიკონსტიტუციური ძალები, ყველაფერთან ერთად ინტელექტშიც ძალიან უჭირთ

„საკონსტიტუციო სასამართლოში აგენტურული ოპოზიციის ლუსტრაცია ხდება, რადგან, ფაქტობრივად, აღიარებით ჩვენებას იძლევიან“, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ რატი იონათამიშვილმა საქართველოს პირველ არხს განუცხადა.

მისი თქმით, ამ ორი დღის განმავლობაში მიმდინარე საჯარო და გამჭვირვალე პროცესი ამყარებს საკითხებს, რომლებიც საკონსტიტუციო სასამართლოში წარადგინეს.

„ვინმეს თუ კიდევ ეპარებოდა ეჭვი, რომ კვალიფიკაციის მიღმა არიან, ამ პროცესმა ზუსტად აჩვენა, რომ, ყველაფერთან ერთად, ინტელექტუალურ პოტენციალშიც ძალიან უჭირთ. მეორე მხრივ, ყველაფერი, რაზეც ისინი საუბრობენ, საზოგადოებაში მათ საწინააღმდეგოდ აღიქმება. ეს ყველაფერი ამ მხრივაც საინტერესოა, რადგან აღიარებას ახდენენ, რატომ არიან ანტიკონსტიტუციური და ანტისახელმწიფოებრივი ძალა. ფაქტია, ამან კიდევ უფრო მეტად გაამყარა საფუძვლები, რის გამოც ხალხის დაკვეთით საკონსტიტუციო სასამართლოს მივმართეთ. რა თქმა უნდა, ჩვენი გადაწყვეტილების სისწორეში დარწმუნებული ვართ. დანარჩენი საკონსტიტუციო სასამართლოზეა დამოკიდებული. ვფიქრობთ, ამ ორი დღის განმავლობაში პროცესი, რაც საჯარო და გამჭვირვალეა, კიდევ უფრო მეტად ამყარებს და ასაბუთებს იმ საკითხებს, რაც ჩვენ საკონსტიტუციო სასამართლოში წარვადგინეთ“, – აღნიშნა იონათამიშვილმა.