„საარჩევნო დაპირებები სრულდება! თბილისის მუნიციპალიტეტი რევმატოიდული ართრიტის სამკურნალო ძვირად ღირებულ მედიკამენტ „აქტემრას“ დაფინანსებას დაიწყებს“ - ნათია მოდებაძე

სოციალურ ქსელში ნათია მოდებაძე სტატუსს აქვეყნებს და წერს, რომ საარჩევნო დაპირებები სრულდება, რომლის მიხედვითაც  რევმატოიდული ართრიტის სამკურნალო ძვირად ღირებულ მედიკამენტ „აქტემრას“ დაფინანსებას 1-ელი სექტემბრიდან თბილისის მერია დაიწყებს.

„1-ელი სექტემბრიდან თბილისის მუნიციპალიტეტი რევმატოიდული ართრიტის სამკურნალო ძვირად ღირებულ მედიკამენტ „აქტემრას“ დაფინანსებას დაიწყებს.

სოციალურად დაუცველი ოჯახების მონაცემთა ერთიან ბაზაში რეგისტრირებულ პირებს, რომელთა სარეიტინგო ქულა არ აღემატება 150 000-ს, მედიკამენტი დაუფინანსდებათ სრულად, 100%-ით, ხოლო ყველა სხვა მოქალაქეს, ვინც საჭიროებს აღნიშნულ მედიკამენტს, მუნიციპალიტეტი შედის 80%-იანი თანადაფინანსებით.
მედიკამენტის მისაღებად გაიცემა მატერიალიზებული ვაუჩერი.

ვაუჩერითა და შესაბამისი დოკუმენტაციით მოქალაქემ ჯანდაცვისა და სოციალური მომსახურების საქალაქო სამსახურს უნდა მიმართოს.

საარჩევნო დაპირებები სრულდება!“ - წერს ნათია მოდებაძე. 

ცნობისთვის, თბილისის მერია 1-ელი სექტემბრიდან რევმატოიდული ართრიტის სამკურნალო ძვირად ღირებულ მედიკამენტს, „აქტემრას“ დააფინანსებს.

ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის დღევანდელ სხდომაზე განაცხადა.