შალვა პაპუაშვილი: 49 „ნაცს“ შეუწყდა მანდატი, დარჩა 12 „სასოწარკვეთილი ნაცი“ პარლამენტში

„პარლამენტში 49 „ნაცს“ შეუწყდა მანდატი, დარჩა 12 სასოწარკვეთილი „ნაცი“, ვნახოთ, რას გააკეთებენ“, - ამის შესახებ პარლამენტის თავმჯდომარემ შალვა პაპუაშვილმა განაცხადა.

მისი თქმით, „ეს არის ზუსტად ის, რაც, საბოლოო ჯამში, მათ საკუთარი მოღალატეობრივი პოზიციიდან გამომდინარე მიიღე“.

„მანდატების შეწყვეტას რაც შეეხება, 49 „ნაცს“ შეუწყდა მანდატი, დარჩა 12 სასოწარკვეთილი „ნაცი“ პარლამენტში, ვნახოთ, ისინი რას გააკეთებენ. ზუსტად ის არის, რაც, საბოლოო ჯამში, საკუთარი მოღალატეობრივი პოზიციიდან გამომდინარე მიიღეს. ვამბობდით, რომ ერთ მდინარეში მეორეჯერ არავინ შედის, ამათ გადაწყვიტეს, მეორეჯერ შესულიყვნენ იგივე მდინარეში და ნახეთ, რაც დაემართათ საკუთარი ქცევით“, - აღნიშნა პაპუაშვილმა.

კითხვაზე, გიორგი გახარიას პარტიას პარლამენტისთვის განცხადებით რომ არ მოუმართავს, რას უკავშირებთ? შალვა პაპუაშვილი პასუხობს, „ვერ გეტყვით, ეს არ არის ჩვენი ინტერესის სფერო“.

„ერთადერთი, რაც შემაწუხებელია, რომ 12 „ნაცი“ კვლავ დარჩა პარლამენტში, ამიტომ თუ გადაწყვეტენ, რომ დატოვონ პარლამენტი, რა თქმა უნდა, მივესალმებით ყველანაირად. გახარია „ნაცს“ ვის ეძახის? სადაც „ქართულ ოცნებას“ უწოდა „ნაცი“, იქ სტაჟიანმა „ნაცებმა“ რომ მოსთხოვეს, აიღო ის ბანერი. ერთი ჩვეულებრივი დაჯგუფებაა, ჩანს უკვე, ამ დაჯგუფების ნაწილია“, - აღნიშნა შალვა პაპუაშვილმა.