თორნიკე ფაღავა: სინამდვილეში, არანაირი არასამთავრობო სექტორი არ არსებობს, არანაირი ენჯეოსექტორი არ არსებობს, ეს არის რადიკალური ოპოზიციის დანამატი

პარლამენტის ევროპასთან ინტეგრაციის კომიტეტის თავმჯდომარის მოადგილე თორნიკე ფაღავა აცხადებს, რომ სინამდვილეში, არანაირი არასამთავრობო სექტორი არ არსებობს, არანაირი „ენჯეოსექტორი“ არ არსებობს და ეს რადიკალური ოპოზიციის დანამატია.

„დაიწყო ძალიან საინტერესო მხილების კამპანია ე.წ. ენჯეოსექტორის და არასამთავრობო სექტორის წინააღმდეგ. სინამდვილეში, არანაირი არასამთავრობო სექტორი არ არსებობს, არანაირი ენჯეოსექტორი არ არსებობს, ეს არის რადიკალური ოპოზიციის დანამატი, რომელიც იმართება ისევე, როგორც რადიკალური ოპოზიცია, იმართება მათი პატრონების მიერ, ისინი არასდროს არ ყოფილან ჩვენი ქვეყნის და ჩვენი სახელმწიფოს ინტერესებზე ორიენტირებულები, ისინი ყოველთვის იყვნენ ორიენტირებულები თავიანთი დამკვეთების ინტერესებზე.

ჩვენ გვახსოვს არაერთი მიზანმიმართული და დამიზნებული კამპანია ჩვენი სახელმწიფო ინტერესების წინააღმდეგ. ჩვენ შეგვიძლია თამამად ვთქვათ, რომ ეს ხალხი, ეს რადიკალური პოლიტიკური ჯგუფი ჩამოყალიბდა საერთაშორისო დამსმენებად და საერთაშორისო თაღლითებად. ეს ხალხი ყოველთვის მიზანმიმართულად ებრძოდა ქართულ სუვერენიტეტს, ქართულ სახელმწიფოებრიობას და ჩვენს ეროვნულ ინტერესებს“, - აცხადებს თორნიკე ფაღავა.