ქართულ საქველმოქმედო ფონდსა და იტალიურ ასოციაციას შორის მემორანდუმი გაფორმდა

29 სექტემბერს,ქალაქ თბილისში ხელი მოეწერა მემორანდუმს, საქველმოქმედო ფონდ ,,ცხოვრება მშვენიერია" და იტალიის ქალაქ პალერმოში არსებული ასოციაციის ,,LIBELULA" შორის. - ინფორმაციას საქველმოქმედო ფონდ ,,ცხოვრება მშვენიერია"-ს დამფუძნებელი და გენერალური დირექტორი ნიკა ესაკია ავრცელებს.

„მემორანდუმი ითვალისწინებს სხვადასხვა საერთაშორისო პროექტების, საქველმოქმედო ღონისძიებების, საქველმოქმედო საფეხბურთო მატჩების(იტალიელი და ქართველი ვარსკვლავების მონაწილეობით)ინკლუზიური დასების გაცვლითი პროგრამების და ასევე ერთობლივი პროექტების ორგანიზებას.

მინდა მთელი ფონდის სახელით უდიდესი მადლობა გადავუხადო ქალბატონ ლეონარდა ამელლას ნდობისთვის და თანამშრომლობისთვის. ასევე განსაკუთრებული მადლობა რესტორან ქვევრს და ლაშა ბასლანძეს ყველაზე საოცარ და გვერდში მდგომ ადამიანს ორდღიანი მასპინძლობისთვის. ორ არაჩვეულებრივ ადამიანს ნანა ლომიასა და რუსა გალდავას დახმარებისთვის და თანადგომისთვის. გვჯერა, რომ მომავალში ძალიან ბევრ პროექტებს განვახორციელებთ, როგორც თბილისში, ასევე იტალიის ქალაქ პალერმოში. 

P.S. ეს მხოლოდ დასაწყისია. ხომ ,მართლა გაიღიმეთ,ცხოვრება მშვენიერია“ - წერს ესაკია.