9 წლის შვილის მკვლელობის ბრალდებით დაკავებული დედა კორინდალოს ციხეში გადაიყვანეს - წაყენებულ ბრალდებას ის სამარცხვინოს და არარეალურს უწოდებს

წინასწარი პატიმრობა შეეფარდა და დღეს დილის 09:00 საათზე კორინდალოს ციხეში გადაიყვანეს, 9 წლის ქალიშვილის მკვლელობის ბრალდებით დაკავებული 33 წლის რულა პისპირიგუ.  

როგორც ცნობილია, 33 წლის ქალი კორონავირუსის საწინააღმდეგო ღონისძიებების ფარგლებში ორი დღე იზოლაციაში იქნება, რის შემდეგაც მას ციხის მეექვსე განყოფილებაში გადაიყვანენ. სწორედ აქ იხდიან სასჯელს პატიმარი ქალები ჩადენილი სასტიკი დანაშაულისთვის. 

ამ კონკრეტულ განყოფილებაში, უსაფრთხოების მიზნით საკნები ერთმანეთისგან იზოლირებულია. მისი დანაშაულის სიმძიმიდან გამომდინარე არსებობს, დიდი საშიშროება, რომ სხვა პატიმრების მხრიდან მასზე განხორციელდეს თავდასხმა, რის გამოც რულა პისპირიგუ ციხის ეზოთიც, დამოუკიდებლად, სხვა პატიმრების თანხლების გარეშე ისარგებლებს. 

რულს პისპირიგუს წინასწარი პატიმრობა 5 საათიანი დაკითხვის შემდეგ შეეფარდა, რა დროსაც მან სრულიად უარყო მის მიმართ წაყენებული ყველა ბრალდება, რომელთაც მან უსამართლო, გაუგონარი, არარეალური და სამარცხვინო უწოდა. „სრულიად უარვყოფ ჩემს მიმართ წაყენებულ ბრალდებას. არასოდეს მიცდია, არც მსურდა და არც გამომიწვევია ჩემი შვილის სიკვდილი. არცერთ დედას არ შეუძლია ზიანი მიაყენოს საკუთარ შვილს“- განაცხადა მან. 

ასევე საინტერესოა

🔷ათენში, 6 აპრილს საზოგადოებრივი ტრანსპორტი 24 საათით გაიფიცება - ივლის მხოლოდ ავტობუსი ისიც გრაფიკით

🔷"ნახეს, როგორ ურტყამდა დედა ჯორჯინას, როდესაც ის ჯერ კიდევ 10 თვის იყო" - საბერძნეთში, გარდაცვლილი სამი დის საქმის ახალი დეტალები

🔷 "ჩვენ ამ ქალაქის აღდგენაში დაგეხმარებით, იმისათვის, რომ ის კიდევ უფრო ლამაზი, კიდევ უკეთესი გახადოთ" - ნიკოს დენდია ოდესაში ვიზიტის დროს