ათენში, საბჭოთა კავშირის დროს დაღუპული ჯარისკაცის ძეგლი დააზიანეს - მომხდარმა რუსეთის საელჩოს აღშფოთება გამოიწვია

ათენში, კერძოდ კალეთეაში უცნობი პირების მიერ, მეორე მსოფლიო ომის დროს საბერძნეთის თავისუფლებისა და დამოუკიდებლობისთვის დაღუპული საბჭოთა ჯარისკაცების ძეგლზე, განხორციელებულმა ვანდალიზმმა ათენში, რუსეთის საელჩოს აღშფოთება გამოიწვია. 

უცნობმა პირებმა, დაღუპული ჯარისკაცის ძეგლზე სიტყვა "აზოვი" დაწერეს,  რაც უკრაინაში აზოვის ორდენს გულისხმობს.  

აღნიშნულ ფაქტთან დაკავშირებით, ათენში მოქმედმა რუსეთის საელჩოს წარმომადგენლებმა მკაცრი  განცხადება გააკეთეს, სადაც ისინი გმობენ ისტორიის შეურაცხყოფას და ვანდალების დასჯას მოითხოვენ. 

ათენში, რუსეთის საელჩოს ოფიციალურ გვერდზე გამოქვეყნებულ პოსტში ისინი აცხადებენ, რომ:           „უკრაინული ნაციონალისტური ბატალიონის აზოვის მხარდამჭერებმა, რომლებიც მრავალი წლის განმავლობაში ატერორებდნენ და ხოცავდნენ აღმოსავლეთ უკრაინის მოსახლეობას, აღმართეს ხელი საბერძნეთში წმინდა ხსოვნის წინააღმდეგ, რომელთაც, მეორე მსოფლიო ომის დროს, დიდი მსხვერპლის ფასად, დამონებული ევროპა ფაშიზმისგან გაათავისუფლეს.  

ჩვენ ცალსახად ვგმობთ ისტორიის შეურაცხყოფის ამ ამორალურ მცდელობას და ვანდალიზმის მიუღებელ აქტს.

ჩვენ მოვუწოდებთ საბერძნეთის ხელისუფლებას, გააკეთოს ყველაფერი, რაც საჭიროა ამ ბარბაროსული თავდასხმის გამოსაძიებლად და ვანდალების დასასჯელად“- ნათქვამია რუსეთის საელჩოს წარმომადგენლების მიერ განთავსებულ პოსტში.  

ასევე საინტერესოა:

🔷რუსეთის უნივერსიტეტის, ბერძენი სტუდენტები შველას ითხოვენ

🔷უამინდობის ახალი ტალღა საბერძნეთში - თოვს ათენშიც

🔷საბერძნეთში ვაქცინის მეოთხე დოზა ყველასთვის სავალდებულო გახდება ?! - ბერძენი პროფესორის განცხადება